CERVO .- A concesión de dúas bandeiras azuis para praias de O Torno e de A Caosa, en San Cibrao, e unh para o Ecomuseo Terras Azul Cobalto,en Cervo, satisfacen ao alcalde Alfonso Villares que recorda que ““sempre se traballou apostando polo aspecto turístico e económico do concello”.
NOTA DE PRENSA
“É evidente o interese turístico deste concello, tal como reflicte a concesión deste distintivo ao Ecomuseo Terras Azul Cobalto de Cervo e aos areais de O Torno e á Caosa en San Ciprián”.
SATISFACCIÓN EN CERVO TRAS A CONCESIÓN DE TRES BANDEIRAS AZUIS POR PARTE DA ASOCIACIÓN EUROPEA DE CONSUMIDORES
Cervo, 28 de maio de 2009.- O Alcalde, Alfonso Villares, vén de amosar a súa satisfacción tras a concesión, por parte da Asociación de Educación Ambiental e do Consumidor (ADEAC), de tres bandeiras azuis ao Concello de Cervo: unha para o Ecomuseo Terras Azul Cobalto e dúas máis para os areais de O Torno e de A Caosa en San Ciprián. Desde o Goberno municipal “sempre se traballou apostando polo aspecto turístico e económico do concello e esta distinción é unha gratificación e un recoñecemento ao traballo ben feito”.
EXCELENCIA TURÍSTICA E MEDIOAMBIENTAL
Desde o Executivo municipal recordaron que as bandeiras azuis “son un distintivo que premia aquelas praias que cumpren con rigorosos requisitos de calidade nas augas, nos servizos e na seguridade da súa zona e área de baño”, así como tamén “a realización de actividades de calidade e xestión ambiental”. A finalidade última dos galardóns concedidos ás praias do Torno e, desta vez tamén á Caosa “resulta ser unha aposta clara polo desenvolvemento sostible do turismo e do conxunto do litoral”.
CON MEDIOS MUNICIPAIS
“Aínda que as praias deste concello se viron afectadas polo temporal Klaus, a día de hoxe están sendo acondicionadas e contamos que tanto os veciños, como a xente que nos visita, poidan gozar delas a principios de verán” –explicou o Alcalde. O acondicionamento dos areais de todo o municipio (tanto os distinguidas coa bandeira Azul como a de Rueta, Cubelas, etcétera) estase a realizar por brigadas municipais e con medios propios, xa que a pesar de que se solicitou a colaboración da Deputación con medios técnicos, de momento non se pronunciaron. De todos os xeitos, “o ano pasado nin sequera contestaron, así que este ano xa non esperamos axuda deles. A pesar deso, contamos ter os areais en perfectas condicións para principios de verán”.
DISTINCIÓN AO ECOMUSEO
O Ecomuseo de Cervo Terras Azul Cobalto tamén recibiu a distinción temática cunha bandeira azul. Desde o goberno municipal poranse en contacto co novo goberno da Xunta para darlle un novo impulso a este proxecto, recuperando certos aspectos das cinco áreas temáticas que o compoñen: mundo do mar, mundo da industria, legado da Historia, Río Xunco e Patrimonio Relixioso.
Este recoñecemento “sirve de impulso á importante labor desenvolvida polo Goberno municipal para a consolidación e posta en valor do patrimonio cultural e paisaxístico do noso concello”, e seguirán traballando no mesmo sentido para realzar o turismo e o patrimonio no Concello de Cervo
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
