Nota de Prensa
Decenas de tripulantes de embarcacións pesqueiras achéganse ata as oficinas de atención ao cidadán do Partido Popular en Viveiro e Ribadeo para dar conta do seu malestar polo funcionamento incorrecto dos servizos médicos do Instituto Social da Mariña na nosa comarca
O PP CONSTATA ATRASOS DE ATA TRES MESES NAS CITAS DOS RECOÑECEMENTOS MÉDICOS DOS MARIÑEIROS NO ISM
• Os solicitantes que a través do teléfono están a pedir a súa cita estes días viron como o ISM as postergaba ata finais de xuño ou incluso xullo.
• En ocasións a necesidade de efectuar unha analítica sanguínea entre 4 e 3 días antes do recoñecemento, implica que os mariñeiros perden unha marea, obrigados a permanecer en terra.
• O voceiro de asuntos do Mar do PP quixo facerse eco desta problemática e presentou varias iniciativas na Cámara autonómica a través das que reclama ao Goberno central que reforce os servizos médicos do ISM na Mariña.
A Mariña, 08 de maio de 2009.- Segundo explicou o voceiro do Mar do Partido Popular de Galicia, Jose Manuel Balseiro Orol, cada vez son máis os tripulantes de embarcacións pesqueiras que se están a achegar ata as oficinas parlamentarias que os populares teñen á disposición dos cidadáns nas súas sedes de Viveiro e Ribadeo para dar conta de importantes demoras á hora de acceder aos recoñecementos médicos que o Instituto Social da Mariña (ISM) ten a obriga de efectuar, de xeito periódico, ás xentes do mundo do mar. O PP constatou atrasos de ata tres meses para obter cita cos profesionais da medicina que deben desenvolver estes recoñecementos unha situación que actúa en prexuízo dos traballadores embarcados e que, en moitas ocasións, altera os plans de traballo e saída ao mar dos propios mariñeiros.
Moitos dos tripulantes de embarcacións pesqueiras que ao longo dos últimos días solicitaron cita telefónica para poder efectuar o preceptivo recoñecemento médico viron como desde o ISM se lles postergaba ata datas de finais de xuño ou incluso do mos de xullo. A esta eventualidade temos que engadir que en moitos casos con carácter previo ás probas do recoñecemento é preciso efectuar unha analítica de sangue. Esta ten lugar entre 4 e 3 días antes da data do recoñecemento, o que obriga a moitos mariñeiros a perder unha marea, permanecer en terra e, polo tanto, implica importantes prexuízos persoais e de índole económico, nun sector fortemente afectado pola crise e, polo tanto, onde este tipo de perdas non ten ningún sentido.
RECOÑECEMENTOS MÉDICOS PRECEPTIVOS
Segundo establece a lexislación vixente os médicos da sanidade marítima teñen a obriga de efectuar unha serie de recoñecementos preceptivos e, polo tanto obrigatorios, con carácter previo a que os mariñeiros e demais tripulantes pesqueiros embarquen. Estas probas que veñen a verificar o estado de saúde das xentes do mar, se están a levar a cabo nas localidades de Burela e Celerio.
INICIATIVAS NA CÁMARA AUTONÓMICA
Esta non é a primeira que o Partido Popular se fai eco do malestar do sector. Xa no pasado esta formación política reclamou ao Goberno central que reforzara os servizos médicos do ISM na Mariña lucense. Nesta ocasión o voceiro do Mar do Grupo Parlamentario Popular, Jose Manuel Balseiro Orol adianta o propósito de presentar varias iniciativas na Cámara autonómica co obxecto de reclamar á administración do Estado que corrixa con urxencia esta situación e proceda a desenvolver as xestións oportunas para que non se dean estas excesivas demoras.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
