RIBADEO (FNC) .- O sábado da comezo en Ribadeo a cuarta edición de Ribadeo de tapeo. Un evento que se prolongará ata o 24 de maio e no que participan 31 bares e restaurantes. O alcalde, Fernando Suárez, sinala que “estamos diante dunha iniciativa que ten moito éxito ten e que xa está consolidada aquí na nosa vila. Unha iniciativa que levamos adiante desde o Concello de Ribadeo e na que este ano participan a Deputación Provincial de Lugo e o Centro Comercial Aberto, e que pretende en momentos que non son moi altos en canto a ventas, dado que non é época estival e que xa pasou a Semana Santa, tentamos dinamizar un pouco a hostalería local, esperemos que co mesmo éxito que en anos anteriores”.
Nesta cuarta edición de Ribadeo de tapeo participan 31 bares e restaurantes de Ribadeo e de parroquias como Remourelle, Rinlo ou Covelas que farán un total de 49 tapas. O rexedor engade que “haberá uns libriños e uns folletos que serán repartidos en cada local entre os clientes para que os vaian selando e así poder participar ao final no sorteo de agasallos. Entrarán en dito sorteo os que percorran 17 ou máis establecementos. Os gañadores poderán gozar dunha fin de semana nun balneario por xentileza do Centro Comercial Aberto de Ribadeo ou mesmo dunha fin de semana nunha casa de turismo rural da Ribeira Sacra”.
Fernando Suárez segue a contar que “haberá un xurado que irá vendo todos os locais para escoller a mellor tapa do ano, a mellor tapa creativa e a mellor tapa tradicional que este ano está adicada aos produtos do mar e tamén haberá un premio á mellor barra. Estes premios vainos a outorgar un xurado composto por profesionais do sector que irán con discreción por todos os locais avaliando o servizo, as tapas…”.
O alcalde convida aos veciños de Ribadeo, aos do resto da Mariña e aos do Occidente asturiano a que se acheguen á vila durante estes nove días a degustar as exquisiteces que prepararán os hostaleiros ribadenses. Fernando Suárez subliña que “esta edición do Ribadeo de tapeo dura máis días que as pasadas e responde á idea tamén dos propios participantes que cada ano nos fan chegar unha serie de melloras que vamos incorporando. Penso que é unha moi boa iniciativa e que terá tanto éxito como en edicións anteriores”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
