CERVO .- San Cibrao ten previsto acoller a máis de 700 palilleiras no Encontro que terá lugar este sábado no pavillón municipal de A Veiga. Así o explica a concelleira de Muller e Servizos Sociais, Pilar Armada quen adianta que este ano superáronse todas as expectativas e o número de persoas inscritas, para participar na sétima edición desta cita coa arte dos bolillos, e maior xa ás do ano pasado. “Virán de moi distintos lugares. Fundamentalmente serán palilleiras procedentes do resto de Galicia pero tamén hai confirmada a visita de xente chegará de Asturias ou Cantabria e das provincias de Barcelona, Palencia e León”
O VI Encontro de Palilleiras está organizado polo Concello de Cervo en colaboración coas profesoras de encaixe de bolillos Mª Luz Méndez e Modesta Lombardero, ambas veciñas de San Cibrao. Participa tamén na organización a asociación Cultural a Sombriza. Xuntos confeccionaron un amplo programa de actividades que se prolongará durante dous días, o venres 3 e o sábado 4 de abril.
EXPOSICIÓN ENCAIXES
A primeira cita terá lugar o venres ás 18 horas, coa inauguración da exposición ENCAIXES na Casa da Cultura de San Cibrao. Nela amosaranse multitude de prendas de vestir con encaixes así como varios traballos elaborados mediante a técnica de bolillos polas mestras ou alumnas dos distintos cursos de palillar que se desenvolveron durante o presente ano. Nos pasados anos esta mostra do traballos da palilleiras aglutinou a unha gran cantidade de visitantes. Esta exposición permanecerá aberta ao público ata o 12 de abril
VI ENCONTRO DE PALILLEIRAS
De seguido, o sábado 4 de abril se celebrará o acto principal do VI Encontro de Palilleiras do Concello de Cervo: a XUNTANZA POPULAR. Comezará as 10.00 horas do sábado 4 de abril. Ao longo de toda a mañá veciños e visitantes poderán achegarse ata o pavillón municipal de A Veiga (contiguo ao Instituto Marqués de Sargadelos) para observar como traballan as palilleiras. O Concello de Cervo dispuxo de máis de 800 cadeiras e taboleiros neste espazo e durante o transcurso do encontro celebraranse diversos sorteos e entrega de agasallos, todos eles cedidos por cerámicas Gudín, Cerámica de Sargadelos e Eladio Bello, así como pola hostalería de San Ciprián e Cervo. Os integrantes do grupo folclórico Airiños do Xunco serán os encargados de amenizar o encontro.
ESPAZO PARA A VENDA DE PRODUTOS E BOLILLOS
A maiores de todo isto, nun espazo anexo ao pavillón da Veiga onde terá lugar a gran xuntanza, haberá unha carta habilitada para a venda dos produtos confeccionados por palilleiras e relativos ao arte da confección con bolillos, así como outro tipo de confeccións artesás.
A concelleira encargada da organización, Pilar Armada, apuntou tamén outra serie de detalles como son o feito de que cada unha das asociacións de palilleiras participantes no encontro dispoñen dunha lista con todos os locais hostaleiros do municipios, de tal xeito que poden así escoller aquel que máis lles interesa para a hora do xantar. “É unha forma de que a nosa hostalería tamén poida beneficiarse da alta participación deste encontro de palilleiras ofrecendo ademais menús moi saborosos e a moi bo prezo”
AGRADECEMENTOS
Armada afirmou que “conscientes do interese que esperta este encontro, polo que traballamos a reo na procura de que todo saia ben. Nesta tarefa é preciso agradecer a colaboración de moita xente, que deben ser obxecto de público recoñecemento como son aos integrantes da asociación cultural A Sombriza, á Área de Cultura de Deputación Provincial, ao Concello de Xove, á Fundación Comarcal A Mariña Occidental, á asociación Airiños do Xunco e aos voluntarios de Protección Civil de Cervo. Grazas ao seu traballo e coa colaboración das mestras palilleiras organizadoras e dos traballadores municipais
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
