NOTA DE PRENSA
O BNG QUERE SABER EN QUÉ OBRAS SE INVESTIRÁN PRETO DE 300.000 EUROS QUE NOS ORZAMENTOS DE 2008 SE DESTINAN A ÁREAS RECREATIVAS, LOCAIS SOCIAIS E ALUMEADO PÚBLICO SEN DETERMINAR.
Barreiros, 7 de abril de 2009. O BNG de Barreiros demanda explicacións obre o nivel de execución dos orzamentos de 2008, en concreto preguntaron no último pleno por unha partida de 129.000 euros destinada a áreas recreativas e locais sociais sen determinar e por outra de 90.000 euros para a extensión do tendido eléctrico. Antonio Veiga sinalou que “o noso grupo interesóuse por cal era o nivel de execución dos orzamentos de 2008 e ao mesmo tempo tamén queremos saber si este ano por primeira vez se van presentar en praza, en tempo e forma os orzamentos de 2009”.
O voceiro nacionalista contou que “nós o que queríamos saber era o nivel de execución de determinadas partidas referidas a inversións, xa que nos orzamentos de 2008 había unha partida de máis de 129.000 euros para áreas recreativas e locais sociais sen determinar. Nós o que pretendíamos era que desde a alcaldía se nos aclarara en pleno cales son esas áreas recreativas que se van realizar ou mellorar e cales son os locais sociais nos que se van investir eses cartos”. Veiga Outeiro considera que “desde logo que sí que hai necesidades en varias áreas recreativas do concello e incluso algúns lugares son susceptibles da creación dunha nova área recreativa, como poden ser ao longo da N-634 aqueles pedazos de estrada abandoados. Refírome aos casos de Pozomouro ou de O Pedrón, eses espazos que quedaron sen estrada ao facer un novo trazado (estamos falando de 20 anos atrás) pois son auténticos focos de maleza e de depósitos de todo tipo de cousas, entón sería bó que se actuara aí en convenio con Fomento ou coa Demarcación de Estradas que son os propietarios deses treitos de estrada antigos e sería bó tamén que desde a alcaldía se nos dixera si se ía actuar ou non, pero non se nos aclarou nada nese pleno”.
Os nacionalistas tamén queren ter máis datos sobre unha partida de 90.000 euros “destinada a extensión do tendido eléctrico en varias parroquias e tampouco se precisou cales ían ser as beneficiadas. E eso sí que nos preocupa a nós, porque acostuman a facerse tendidos eléctricos de alumeado público nas parroquias sen moito criterio e non o decimos nós senón que o din os veciños todos os días. Dase o caso de que hai lugares case nada transitados que contan con moitísima iluminación e outros que sí que son transitados e que están sen ela”.
Antonio Veiga engadiu que “eses case 300.000 euros sería moi bó que desde a alcaldía de Barreiros se aclarase onde se ía actuar porque estamos falando de 50 millóns das antigas pesetas que ben empregados daban para alumeados públicos en condicións e tamén para adecentar áreas recreativas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
