Parte do muro do cemeteiro da Puida leva tres meses tirado, asegura o PP de Burela

Nota de Prensa
O GMPP denuncia que parte do muro do cemeteiro da Puida leva tres meses tirado
Luis Pedre pídelle ó alcalde que se arranxe de inmediato.
Os populares din que así é como traballa o bigoberno.

O GMPP de Burela denunciou hoxe que parte do muro do cemiterio municipal da Puida está derruído, concretamente desde o temporal Klaus, que aconteceu a finais de Xaneiro.
O edil popular Luis Pedre considera que este muro debe ser arranxado de inmediato, e afirma que é vergoñento que estea na situación en que está. Pedre considera que a imaxe que se dá é de desidia e de falla de interese, como o demostra que o muro nin tan siquera fose retirado, pero é que ademais se entorpece a circulación hasta o punto limpo, que se atopa nas inmediacións.
Os populares consideran que este é o mais vivo exemplo de como traballa o alcalde, o concelleiro de obras e en xeral todo o bigoberno burelés. Este é o exemplo de que non son capaces de resolver os problemas do día a día, e que tampouco teñen interese en facelo.