SAN CIBRAO .- O Museo do Mar acollerá o ciclo Historia de Galiza que organiza a a asociación Mariñapatrimonio, entidade que posteriormente desenrolará outros tres ciclos, Arredor do Mar o 30 de maio, e no meses de xuño Literatura Oral e en xullos as I Xornadas de Arqueoloxía Industrial.
A presentación da programación tivo lugar no Muse do Mar e contou coa presenza do delegado da Área de Cultura da Deputación de Lugo, Antonio Veiga, e do presidente de Mariñapatrimonio, Francisco Luís Rodríguez Guerreiro.
NOTA DE PRENSA
O MUSEO DO MAR DE SAN CIBRAO ACOLLERÁ O CICLO HISTORIA DE GALIZA QUE ORGANIZA MARIÑAPATRIMONIO
Antonio Veiga lembrou que as instalacións do museo están ao dispor das asociacións da zona para pór en marcha iniciativas culturais coma esta na que se pon en valor “a nosa propia historia”
LUGO, 14 de abril de 2009. O delegado da Área de Cultura da Deputación de Lugo, Antonio Veiga, presentou este martes o primeiro dos catro ciclos de conferencias que MariñaPatrimonio organiza nos vindeiros meses e que leva por título Historias de Galiza. Este primeiro simposio terá lugar os días 18 e 25 de abril e o 9 e o 16 de maio nas instalacións do Museo do Mar de San Cibrao. O presidente de entidade organizadora, Francisco Luís Rodríguez Guerreiro acompañou a Veiga no transcurso da presentación, momento que aproveitou para agradecer a súa colaboración e predisposición no que atinxe a todo o relacionado con este proxecto.
Un total de catro conferencias compoñen o ciclo Historia de Galiza. A prehistoria, a Muralla de Lugo no contexto histórico da cidade, a idade media e os cambios do século XIX na Mariña de Lugo son os catro temas en torno aos que xira o citado simposio. A primeira das conferencias terá lugar o 18 de abril ás 19:00 horas a cargo do arqueólogo Antonio de la Peña Santos. O día 25 do mesmo mes, ás 17:30 horas o Museo do Mar da San Cibrao acollerá o relatorio de Adolfo de Abel Vilela. Xa no mes de maio, os días 9 e 16, ás 18:30 horas, desenvolveranse as dúas conferencias restantes da man de Anselmo López Carreira e Prudencio Viveiro Mogo, respectivamente. A maiores, os asistentes realizarán unha viaxe en cada unha das xornadas – 11:00 horas, saída estimada- aos castros da Mariña, á Muralla de Lugo, aos concellos de Valadouro e Mondoñedo e, por último, aos Pazos existentes na zona da Mariña.
Na súa intervención, Antonio Veiga salientou a importancia da posta en marcha de iniciativas coma esta ao tempo que lembraba que o Museo do Mar “é un espazo aberto e lugar de encontro para todas e cada unha das asociacións existentes na comarca da Mariña”. Deste xeito, o delegado da Área de Cultura da Deputación de Lugo recordou que “as instalacións deste museo están ao dispor deste tipo de entidades ou de calquera outra para pór en marcha proxectos innovadores e enriquecedores para a sociedade e mais concretamente para todos os veciños e veciñas da Mariña”. Poñer en valor a “nosa propia historia” é un dos aspectos que converten o ciclo Historias de Galiza nun evento de gran interese para todo o público en xeral, asegurou o nacionalista.
Pola súa banda, o presidente de MariñaPatrimonio comentou que nos vindeiros meses terán lugar outros tres ciclos. O primeiro deles Arredor do Mar terá lugar o día 30 de maio. Os dous ciclos restantes, Literatura Oral e as I Xornadas de Arqueoloxía Industrial está previsto que se desenvolvan durante os meses de xuño e xullo.
O prazo de inscrición neste primeiro ciclo titulado Historia de Galiza continúa aberto. Os interesados poden poñerse en contacto coa asociación organizadora MariñaPatrimonio a través do teléfono 690 650 542 ou no seguinte enderezo electrónico: mr.patrimonio@gmail.com.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
