NOTA DE PRENSA (FNC)
O BNG CRITICA QUE O ALCALDE NON LEVASE A PLENO A MOCIÓN NA QUE SE DEMANDA O ADECEMENTAMENTO DA ZONA RUINOSA E CHEA DE MALEZA QUE SE ATOPA NO BARRIO DA ESPIÑEIRA. OS NACIONALISTAS DIN QUE O DEBATE DEBE FACERSE NO PLENO E NON NOS MEDIOS DE COMUNICACIÓN.
Barreiros, 3 de abril de 2009. O BNG de Barreiros critica que o alcalde non levase o luns a pleno a moción na que solicitaba o adecentamento da zona da Espiñeira onde hai varias edificacións ruinosas e cheas de maleza que son un perigo para os que transitan e viven nas súas inmediacións.
Antonio Veiga, portavoz nacionalista en Barreiros, sinala que “desde o BNG temos que lamentar que no pleno do pasado luns non se tratata a moción que propuxemos para adecentar a zona da Espiñeira, aqueles solares abandoados nese barrio. E lamentamos ainda máis que o debate que non se deu no pleno se estea a dar nos medios de comunicación, porque non nos vai levar a ningunha conclusión positiva”.
Desde o grupo municipal do Bloque engaden que “nós o que vemos son xustificacións por parte do alcalde e argumentos contradictorios que son defendidos por Alfonso Fuente Parga e que nada teñen que ver coas súas declaracións sobor deste asunto cando era tenente de alcalde no momento no que levamos este asunto a pleno en outubro de 2003. Daquela se nos decía que se descoñecía a titularidade dos propietarios dos solares abandoados, parece ser que polo que di agora xa coñece aos titulares e na situación na que están esas fincas habería que esixirlles que os manteñan nas debidas condicións de ornato e adecentamento, tal cual di a propia lei do solo. E isto non é porque se lle ocorra ao BNG, son os veciños da Espiñeira os que veñen denunciando desde hai máis de cinco anos a perigosidade daquel montón de escombros rodeados de maleza que en caso de incendio sería perigosísimo para as casas, o mesmo que en caso de derrubo de aquelas edificacións”.
Veiga Outeiro considera que “ainda que hai unha parte que é privada, hai outra que é de dominio público marítimo terrestre, polo menos a metade daquela zona e tamén está totalmente chea de maleza. Nós naquela moción de 2003 xa pedíramos que o Concello se dirixira a Fomento e a Costas e curiosamente se nos dixo que sí se dirixiran, pero que non tiñan previsto facer nada desde Costas e a nós eso non nos parece de recibo e por eso presentamos a moción para o seu debate no pleno do luns. Hai que actuar, aquí non valen disculpas nin xustificacións. Na man do alcalde está o adecentamento dos solares abandoados xa sexan de titularidade pública ou privada, e neste caso si se coñece ao titular, e incluso di que mantén conversas con él, pois que lle esixa o que di o artigo 9 da lei do solo. E que se dirixa a Costas para que adecente a parte que lles corresponde que é desde o deslinde do dominio público marítimo terrestre ata a ribeira”.
Os nacionalistas manifestas que “ese é o debate que tiñamos que dar no pleno e que o PP non quixo e prefire saír nos medios de comunicación. Nós entendemos que é no pleno onde deben debatirse as cousas que lle interesan aos veciños de Barreiros e tomar os acordos correspondentes”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
