CERVO .- O Museo do Mar recibiu esta tarde unha nova peza para os seus fondos. Trátase do vestixio arqueolóxico máis antigo que reflicte a presenza humana da zona de Cervo e foi atopada por un membro de A Mariña Patrimonio, cuxa asociación fixo entrega hoxe da peza ao Museo do Mar de San Cibrao. Antonio Veiga, responsábel da Área de Cultura da Deputación, organismo que xestiona a entidade museística, quixo agradecer á asociación A Mariña Patrimonio o traballo que realizan a prol da conservación do noso patrimonio e loubou a colaboración desta entidade co museo do Mar que depende da Área de Cultura da Deputación.
A peza en cuestión é un útil lítico, datado segundo os expertos consultados de hai aproximadamente uns 300.000 anos, polo que se inscribiría no período denominado Paleolítico inferior, etapa na cal moraban nos territorios que hoxe corresponden ao concello de Cervo os primeiros poboadores. Esta peza arqueolóxica foi atopada no lugar de Pedrosa, onde xa a toponimia fai alusión á profusión de mineral en forma de rocha atopado. Nesta ubicación existen uns notábeis depósitos de cuarcita, polo que todo apunta a que os primeiros poboadores do lugar acudían aquí para extraer o material para fabricar pequenas ferramentas e útiles de caza.
O nacionalista Veiga fixo extensíbel o apoio da Área de Cultura da Deputación, que el xestiona, e da institución museística como é o Museo do Mar, a todas aquelas asociacións que traballen a prol da recuperación do patrimonio material e inmaterial, brindándolle os medios para que se realice unha correcta conservación e difusión dos achádegos que xurdan.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
