RIBDEO (FNC) .- Comeza en Ribadeo a feira Con queixo, pan e viño, ven ao camiño. O alcalde, Fernando Suárez, manifesta que “hoxe da comenzo esta importantísima feira que se vai celebrar de aquí ao domingo en Ribadeo e que trata de poñer en valor estes productos tan comúns en todos os camiños de Santiago e precisamente desde o traballo que levan facendo desde as Fundación Comarcais da Mariña Central e Oriental podemos poñer en valor outra vez Ribadeo, como marco de feiras, congresos, exposicións e de actividades públicas que redundan nun maior achegamento de turistas e de xente tanto do noso concello como do resto da comarca aquí a Ribadeo”.
Suárez Barcia conta que “nesta longa ponte o tempo acompañe e que tamén aos actos que vai haber do cabodano do pasamento de Calvo-Sotelo que temos planificados desde o Concello, se lles sume esta feira importante e que poida traer a moita xente a Ribadeo”.
O rexedor convida “a todos aqueles que non son de Ribadeo a que se acheguen á nosa vila a esta feira tan importante onde poden ter unha chea de viños con denominación de orixe de Galiza, do País Vasco, de Extremadura, de Castela… haberá tamén queixos galegos, asturianos, cántabros, vascos e tamén pan. Son 90 stands e será a feira máis grande das que levamos feito en Ribadeo e xa desde hai uns anos nos estamos especializando neste tipo de eventos ben sexa no mercado de nadal, ben sexa a feira da horta e outros que hai ao longo do ano”. Fernando Suárez engade que “ésta é unha realidade grazas á colaboración do Xacobeo, de Turismo, da Deputación Provincial que fixeron posible co seu importante financiamento que esto puidera ser un escaparate de todo o Camiño Norte de Santiago e ao mesmo tempo debemos preparar con estes eventos o que vai ser o Xacobeo 2010”.
O alcalde lembra que “aquí en Ribadeo temos unha cousa que é moi importante e que terá que empezar (agardo) a rehabilitarse este ano que é o albergue de peregrinos segundo o acordo que asinamos no seu día co Bispado de Mondoñedo e coa Consellería de Industria e que todo esto contribúe a facer de Ribadeo un lugar de turismo, un lugar de encontro e un lugar atractivo para visitar”.
Comezou en Ribadeo a feira “Con queixo, pan e viño, ven ao camiño”
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
