CERVO .- O venres, día 1 de maio, celébrase o Día do Xubilado do Concello de Cervo, no que participarán uns seiscentos veciños. Dez autobuses trasladaranos ao restaurante O Val do Naseiro, en Viveiro, onde haberá un xantar presidido pola conselleira de Traballo e Benestar, Beatriz Mato. Previamente concentraranse na Praza do Concello e pararán en Viveiro
NOTA DE PRENSA
XXVI DÍA DO XUBILADO – CONCELLO DE CERVO
Cervo, 29 de abril de 2009.- O vindeiro venres, día 1 de maio, celébrase a XXVI edición do Día do Xubilado do Concello de Cervo, á que están inscritos uns seiscentos veciños.
Un total de dez autobuses recollerán aos participantes por todas as parroquias do concello, nas paradas habituais. Os percorridos de cada autobús e as horas aproximadas ás que pasarán son as seguintes:
1 autobús: fará as recollidas de Rúa – O Paraño (11:00 horas)
1 autobús: fará o percorrido San Román – Sargadelos (11:00 h)
3 autobuses: sairán da Casa do Mar de San Ciprián (11:00 h)
1 autobús: cuxa ruta será Espiñerido – Río Covo – A Venta – Gondrás – Viladesuso (10:45 h)
1 autobús: co percorrido Lieiro – O Pedregal – A Florida (10:45 h)
1 autobús: recollerá aos veciños de Trasbar – Castelo (10:45 h)
1 autobús: pasará por Rueta – Cuíña – A Senra (10:45 h)
Unha vez que recollan aos asistentes, todos os autobuses volverán para Cervo, facéndose unha xuntanza de todos os asistentes na Praza do Concello, para saír todos xuntos sobre as 11:30 h con dirección a Viveiro, onde está previsto facer unha parada de lecer de aproximadamente dúas horas, saíndo desde o porto de Viveiro ás 14:00 horas cara ao restaurante.
Nesta edición, o xantar celebrarase non restaurante O Val do Naseiro, ás 14:30 horas, e estará presidido pola conselleira de Traballo e Benestar, dona Beatriz Mato Otero.
Como en edicións anteriores, despois do xantar farase entrega dos premios dos campionatos de Parchís e Tute, organizados para os xubilados, e cuxos gañadores son os que de seguido se indican.
Tute
1º premio: Santiago Ramos e Marciano García
2º premio: Lidia Pernas e Antonia Casas
3º premio: Dolores Galdo e Herminia Rodríguez
Parchís
1º premio: Josefa Núñez López e Angelines Bermúdez
2º premio: Herminia Rodríguez López e Dolores Galdo Val
3º premio: Carmen Suárez Tarrío e Luísa Ponte Díaz
Non faltarán o baile nin os tradicionais sorteos de agasallos cedidos por diferentes establecementos, como son: Cerámica Gudín, Cerámica de Sargadelos, Óscar Joyeros, Autos Rodríguez, Confitería María, Pastelería Fontenova, Inmobiliaria Mas e Restaurante O Val do Naseiro, aos que desde a concellería de Asuntos Sociais dirixida por Pilar Armada, agradecen a súa colaboración.
A concelleira de Asuntos Sociais quere desexar a todos os participantes que se divirtan no seu día, o día nos nosos maiores
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
