RIBADEO (FNC) .- A Concellaría de Cultura e a Oficinal Municipal de Información Xuvenil elaboraron un programa de actividades destinadas aos nenos para que poidan gozar “neste tempo de ocio e de lecer que van ter na semana santa”, segundo explica a edil, Mariluz Álvarez Lastra. Serán os días 6, 7 e 8 de abril en diferentes escenarios da vila ribadense, coma o telecentro, o parque de San Francisco ou a biblioteca municipal. As actividades terán carácter gratuíto e só fará falla inscribirse para participar no fútbol 3×3 e nos xogos educativos no telecentro. Os interesados poden anotarse no número de teléfono 982 120 808.
O luns 6 de abril haberá fútbol 3×3 tanto pola mañá como pola tarde no Cantón dos Moreno, a partires das 11:00 e das 16:00 horas respectivamente. Os xogos educativos no telecentro serán de 11 a 12 para os nenos con idades comprendidas entre os 3 e os 6 anos, de 12 a 13 horas para os de 6 a 9 e de 17:00 a 18:00 para os rapaces maiores de 10 anos. Ese día, o luns 6 de abril, de 16:00 a 18:00 horas “teremos unha actividade denominada Patina en familia, na que non haberá límite de idade para participar, contaremos con monitores especializados e poderá participar toda a familia, incluidos os pais e as nais dos nenos. As actividades desta semana santa están enfocadas non só para que os nenos as gocen, senón para que os seus pais poidan participar con eles nos distintos xogos que hai”, segue a relatar a concelleira da Cultura. Haberá tamén unha cita cos bolos a partires das cinco da tarde no parque organizada polo clube de bolos Ribatra.
O martes 7 de abril pola mañá haberá fútbol 3×3 e as actividades no telecentro ao igual que pola tarde e “nesa xornada teremos tamén unha actividade de animación á lectura O conto dos sete mares ás 17:30 horas na biblioteca municipal para toda a familia”.
E xa o mércores 8 de abril ás 11:00 da mañá na biblioteca municipal haberá de novo animación á lectura cos Contos da vía láctea e pola tarde será tempo de catro a sete para os xogos de sempre e de agora, como bicis e aros, zancos e carreira de sacos, as mazás penduradas, brilé e pano, tres en raia… serán actividades nas que poderá participar tamén toda a familia e xa o domingo 12 de abril ás 17:30 horas no Auditorio Municipal a compañía La Tirita porá en escena a obra El Romeo y La Julieta.
Mariluz Álvarez Lastra sinala que “repartiremos folletos polos centros de ensino para que os nenos teñan toda a información que precisen sobre estas actividades das que van poder gozar na semana santa de xeito totalmente gratuíto”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
