SARGADELOS .- As representantes da CIG no comité de empresa da fábrica de Cerámica de Sargadelos, en Cervo, fixeron pública a súa inquietude polo futuro da empresa e aseguran que “moitas e moitas das traballadoras e traballadores deste centro” tamén a sinte. A vez, as representantes sindicais explican que “a regulación temporal de emprego proposto pola dirección da empresa afecta a 116 traballadoras e traballadoras, dun total de 126”.
NOTA DE PRENSA
INQUIETUDE EN SARGADELOS
Por parte das representantes da CIG no Comité de empresa da Fábrica de Cerámica de Sargadelos, en Cervo, temos que manifestar a nosa inquietude, que é a de moitas/os das traballadoras/es deste centro de traballo, a respecto do expediente de regulación temporal de emprego proposto pola Dirección da empresa, e que afecta a 116 traballadoras/es, dun total de 126.
Non entendemos como dende a dirección parece que dan todo por feito, e parecen empeñados en ter todo resolto en 15 días, considerando este período como máximo, cando segundo a lexislación o período mínimo sería de 30 días. Apreman ao persoal, co argumento da caída do 30% das vendas no que vai de ano, cando as vendas xa veñen decrecendo dende fai varios anos, con leves recuperacións nalgún ano, e cun incremento das existencias no período dos catro últimos anos (2005-2008) que supera o 80%. Isto segundo os datos da empresa. As/os traballadoras/es somos conscientes disto, e que non é de agora. Si no ano 2007 houbo un incremento de existencias do 19%, e no 2008 do 35%, e non se tomaron medidas, como poden instarnos a tomar unha decisión con esta urxencia?, cando non se empezaron a tomar medidas con antelación.
En todo caso, o do período de consultas non debería ser un atranco para ningunha das partes. O fundamental é chegar a un acordo que garanta a recuperación e continuidade da empresa, e dos postos de traballo, e que sexa o menos gravoso posible para as/os traballadoras/es.
Por parte da CIG, xa dende a primeira reunión, propúxose a acumulación do 1/3 de redución de xornada en xornadas completas. Por un lado porque é menos gravosa a respecto do consumo de tempo de desemprego, e por outro para aproveitar o Decreto-lei 2/2009 aprobado polo goberno e que recolle a reposición de ate 120 días do paro consumido, e aínda que isto sería para os casos nos que houbese extinción dos contratos antes de finais de 2011, e nos agardamos que non se chege a tal situación, considerámola importante por si chegase a darse.
Tamén nos sorprende o alto grao de optimismo a respecto da recuperación, que sería case que milagreira, dunha recuperación e incremento das vendas, e poder finiquitar o ERE antes dos seis meses, máxime cando inicialmente incluían a posibilidade dunha prorroga doutros 6 meses. ¡Oxalá!
O vindeiro luns hai xuntanza coa empresa, e posterior asemblea de traballadoras/es ás 6 da tarde.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
