CERVO-BURELA .- Os integrantes do Consello reitor do Consorcio para a xestión da explotación da rede básica de abastecemento de auga aos concellos de Cervo e Burela mantiveron hoxe unha xuntanza nas oficinas administrativas do Concello de Cervo. Entre os acordos adoptados polos integrantes do Consello Reitor (formado polos alcalde de Cervo e Burela e dun representante de Augas de Galicia) cabe salientar a decisión de iniciar os trámites para levar adiante unha operación de crédito por valor de 2.228.330,24 euros. Este crédito servirá para sufragar a parte que lle corresponde ao Consorcio nestas obras da nova rede de abastecemento.
CERVO
Segundo indicou o alcalde de Cervo, Alfonso Villares, o Consorcio fará fronte a este crédito mediante os ingresos que ten previsto percibir polo subministro de auga aos concellos de Burela e Cervo unha vez entre en funcionamento a nova rede.
Villares sinalou tamén que durante a xuntanza os técnicos informáronlles de diversas cuestións de carácter técnico da obra e confirmáronlles que os traballos están a desenvolverse a bo ritmo.
Por outra banda Villares confirmou tamén que tódolos veciños afectados pola ocupación de terreos estaban ao día no cobro das súas correspondentes compensacións económicas “e só despois de que cobraran foi cando nós deixamos que comezaran as obras” sinalou. “É de salientar que os traballos estanse a desenvolver e tal e coma nós sempre reivindicamos. Deron comezo en Rúa e na Senra, porque dende Cervo defendinmos que foran estes núcleos de poboación os que dispuxeran desta infraestrutura en igualdade de condicións que os grandes núcleos” recalcou o Alcalde.
A reunión rematou có recoñecemento dos dereitos de paso e servidume dos donos de fincas e montes anexos aos terreos onde está previsto construír o novo depósito de abastecemento de auga na parroquia de Rúa.
BURELA
O alcalde de Burela, Alfredo Llano, e a tenente de alcalde, Neves Cando asistiron esta mañá á xuntanza do Consorcio de Augas para Cervo e Burela que se celebrou no concello veciño. O rexedor asegura que “fomos informados polos técnicos do discurrir das obras do abastecemento de auga. Dixéronnos que van ben e que se están a cumprir os prazos. Está a ser unha obra maiúscula para os dous concellos e entendo que nos vai dar un servizo moi bo”.
Segundo explica Llano “agora mesmo xa está toda a tubaxe practicamente colocada e estáse mirando de mercar unha boa tecnoloxía para aplicar nas ETAP tanto na Senra como en Rúa. E unha vez xa decidida a tecnoloxía consideramos que quedará totalmente rematada esta obra, e non só quedará rematada senón que a partires de xaneiro de 2010 poderá ser xestionada polo Consorcio esta explotación da auga, tal e como falamos na xuntanza desta mañá. É unha boa noticia porque confirmaría que xa estaría todo rematado e xa formaría parte das atribucións que lle corresponden ao Consorcio”.
O alcalde de Burela engade que “tamén tratamos o inicio dos trámites para realizar unha operación de crédito e así poder asumir o compromiso económico coa administración dado que aquí na licitación xa había un acordo de que se ían repartir os gastos ao 60 e ao 40%. Augas de Galicia asumiría o 60% do gasto e o Consorcio o 40% restante, entón para poder facernos cargo do que se leva certificado evidentemente o Consorcio ten que aportar unha cantidade duns dous millóns de euros. Iso significa que temos que ter crédito para facernos cargo desa achega do 40%. E abordamos tamén hoxe o recoñecemento dos dereitos de paso e de servidume polos terreos nos que se instalará o novo depósito en Rúa. Acordamos por unanimidade esta aprobación”.
Alfredo Llano sinala que “hai outra cuestión que temos que tratar máis adiante cando xa se vaian consolidando as obras que é a retirada dos lodos no encoro de Rúa e xa nos imos poñer en contacto con Medio Ambiente para ver a mellor maneira de xestionalos”.
En total, e segundo os datos facilitados polo alcalde de Burela, as obras certificadas no abastecemento de auga de Cervo e Burela ascenden xa a 4,6 millóns de euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
