CERVO .- O alcalde de Cervo, Alfonso Villares, reclama que a Xunta amañe os danos causados en Sergadelos polo ciclón Klaus. Villares recorda que o pasado 25 de xaneiro o Presidente da Xunta de Galicia e o conselleiro de Presidencia “visitaron a zona afectada. Tras comprobar in situ a situación comprometéronse a poñer os medios necesarios para arranxalo algo que agora non están a cumprir”. Según explica “ata o momento só ten constancia da redacción dun proxecto de intervención para recuperar a zona elaborado pola empresa Trasatec e que foi remitido ao Concello de Cervo o 25 de febreiro. Desde esa data nada se sabe respecto da data de inicio dos traballos”.
REFERENCIA ROLDA DE PRENSA
As fortes rachas de vento vinculadas a este proceso atmosférico danaron este espazo de interese arqueolóxico e turístico ao provocar a caída de árbores centenarias, a destrución de gran parte dos muros ou do mobiliario na área de recreo próxima ao Paseo dos Namorados e ás sendas do itinerario ambiental
VILLARES INSTA A TOURIÑO E A MÉNDEZ ROMEU A CUMPRIR O COMPROMISO DE RECUPERAR O COMPLEXO HISTÓRICO ARTÍSTICO DE SARGADELOS QUE CONTINÚA CON IMPORTANTES ESTRAGOS TRAS O PASO DO TEMPORAL KLAUS
· O pasado 25 de xaneiro o Presidente da Xunta de Galicia e o conselleiro de Presidencia responderon á invitación do Alcalde de Cervo e visitaron a zona afectada. Tras comprobar in situ a situación comprometeronse a poñer os medios necesarios para arranxalo algo que agora non están a cumprir.
· Ata o momento Villares só ten constancia da redacción dun proxecto de intervención para recuperar a zona elaborado pola empresa TRASATEC e que foi remitido ao Concello de Cervo o 25 de febreiro. Desde esa data nada se sabe respecto da data de inicio dos traballos.
· Villares lembra que agora que chega a primavera, unha época na viña rexistrándose unha grande afluencia no complexo histórico artístico de Sargadelos e, malia iso, a zona presenta un estado desolador.
Cervo, 13 de marzo de 2009.- O Alcalde de Cervo, Alfonso Villares, reclamou no día de hoxe que o Presidente da Xunta de Galicia, Emilio Pérez Touriño e o conselleiro de Presidencia, Jose Luís Méndez Romeu cumpran co seu compromiso de recuperar o complexo histórico artístico de Sargadelos, danado despois da chegada do ciclón Klaus o pasado mes de xaneiro.
O primeiro edil cervense explicou que ambos mandatarios prometeron que a Xunta de Galicia levaría adiante con urxencia as labores de recuperación do complexo histórico artístico e de reposición dos elementos danados ao seu estado orixinal. As fortes rachas de vento rexistradas e vinculadas a este perigoso proceso atmosférico provocou unha multitude de estragos, tanto na área recreativa ou no espazo denominado Paseo dos Namorados como nas diversas sendas forestais que percorren o itinerario ambiental da zona. Ao longo de todo este espazo acumúlanse árbores caídas, rotas ou arrincadas de raíz, muros destruídos, mobiliario con múltiples estragos e espazos inaccesibles como consecuencia do corremento de terras. En resume, un dos paraxes de maior atractivo turístico, histórico e patrimonial da nosa comarca presenta, a piques de transcorrer dous meses desde que pasou o temporal un aspecto desolador.
PROXECTO DE INTERVENCIÓN
O primeiro edil explicou que do único do que se ten constancia neste momento é da redacción dun proxecto de intervención elaborado pola empresa TRASATEC (que pertence ao grupo TRAGSA) e que, o pasado 25 de febreiro causou rexistro de entrada no Concello. Nel descríbense as actuacións que teñen previsto levarse a cabo para repoñer ao seu estado orixinal este espazo, así como para garantir a perfecta conservación dos primeiros altos fornos do noso país que alí se atopan.
Desde a Alcaldía do Concello de Cervo reclaman que se inicien sen máis dilación os traballos de recuperación do entorno. Botan en falta que os dirixentes da Xunta de Galicia se impliquen nesta importante tarefa tal e como se comprometeron e segundo consta no proxecto.
INTERESE HISTÓRICO, TURÍSTICO E PATRIMONIAL
O responsable municipal subliña tamén a urxencia de acometer estas actuacións, con independencia de que na actualidade os mandatarios da Xunta se atopen en funcións. “Se trata dunha cuestión prioritaria porque podería verse danado o patrimonio histórico e arqueolóxico da zona, pero tamén porque as árbores rotas ou danadas supoñen un perigo para aqueles transiten pola zona”. Nesta liña non comprende o silencio de asociacións que teñen por finalidade a protección do noso patrimonio artístico e cultural. Villares pensa que están moito máis preocupadas en facer política -referíndose a Mariña Patrimonio- que en defender de verdade o que é parte da nosa historia, do noso pasado e debera ser obxecto de protección.
PRIMAVERA
Finalmente o primeiro edil de Cervo ofrece un novo dato para reclamar a celeridade no inicio dos traballos de recuperación. Agora que está a piques de chegar a primavera comeza unha das épocas nas que, xunto co verano, maior afluencia de turistas e visitantes recibe a zona. E por iso que non é de recibo que un espazo da importancia do Conxunto Histórico Artístico de Sargadelos está a ser esquecido polo Goberno galego.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
