A culpa de todo tena o ministro de Economía dixo un entre grolo e grolo de cervexa no Rincón de Arturo
-¡Non señor! dixo o ministro de Economía mentres buscaba un torresmo entre os pedazos de pan. A culpa de todo téñena os especuladores!.
-¡Mentiras! dixeron os especuladores mentres cobraban o 50 por cento en negro e o outro 50 por cento tamén en negro na venta dos pisos que construían. A culpa de todo téñena os que nos queren matar con tanto imposto.
-¡Falso! Dixo un empregado de facenda en Foz. A culpa de todo tena as grandes construtoras; eles levaron toda a pasta gansa.
-¡Pero, por favor…! dixo un empresario do sector da construción. A culpa de todo téñena os dos bancos.
¡ Calumnias! dixo un banqueiro mentres depositaba a súa nai a prazo fixo. A culpa de todo téñena os corruptos que non teñen moral.
¡ Equivócase! dixo un corrupto mentres vendía a cen euros unha enciclopedia en tomos que se chamaba “fágase rico en 15 días” pero , en realidade, só contiña páxinas en branco. A culpa de todo tena a burocracia, non sei cantos funcionarios ten o Concello de Viveiro, que fai aumentar o gasto público.
¡ Non é certo! dixo un empregado público, que chegara a tomar as 11 dende a Praza Maior, mentas cunha man rascábase os collóns e coa outra o traseiro. A culpa de todo téñena os políticos que prometen unha cousa para nós e fan outra para eles.
¡ Iso é pura maldade! dixo un concelleiro mentres preguntaba onde quedaba o edificio novo do Concello. A culpa de todo téñena os donos da terra, dos solares, que non nos deixaron nada.
¡ Patrañas! dixo un propietario destes que herdou montes e mareas mentres contaba hectáreas, A culpa de todo téñena os socialistas e os comunistas.
¡ Perversos! dixeron os do BLOQUE local . A culpa de todo tena o terrorismo.
O carallo! dixo un terrorista mentres armaba un coche-bomba para salvar a humanidade. A culpa de todo téñena os fascistas.
¡ Malvados! dixo un fascista mentres saudaba con o brazo en alto e a camisa azul remangada . A culpa de todo téñena os emigrantes.
¡ Racistas! dixo un emigrante seique rómano que se adicaba o ramo da madeira mentres miraba torcido a un Indonesio do ramo dos mareantes. A culpa de todo téñena os curas que sempre se meten no que non lles importa.
¡ Blasfemia! dixo o crego mentres fabricaba ollos de agullas como para que pasasen dez camelos ao trote. A culpa de todo téñena os científicos que cren no Big bang e non en Deus.
¡ Erro! dixo un científico mentres deseñaba unha bomba capaz de matar máis xente en menos tempo con menos ruído e moito máis barata. A culpa de todo téñena os pais que non educan os seus fillos.
¡ Infamia! dixo un pai mentres trataba de recordar cantos fillos tiña exactamente. A culpa de todo téñena os ladróns que non nos deixan vivir.
¡ Oféndenme! dixo un ladrón mentres arrebataba unha cadea a unha xubilada e, de paso, a tiraba o chan. A culpa de todo téñena os policías que teñen o gatillo doado e a man lixeira.
¡ Merda! dixo un policía mentres primeiro tiraba e despois preguntaba. A culpa de todo tena a Xustiza que permite que os delincuentes entren por unha porta e saian pola outra.
¡ Desacato! dixo un xuíz mentres ditaba pacientemente un expediente de máis de cincocentas follas que logo, o dia séguente, volvería descoser. A culpa de todo téñena os militares que sempre se creron os donos da verdade e os salvadores da patria.
¡ Negativo! dixo un cabo da Garda Civil mentres ordenaba o un numero que fose preparando bo tempo para a fin de semana. A culpa de todo téñena os mozos de pelo longo.
¡ Vostedes están como regadeiras! dixo un rapaz novo mentres pedía explicacións de por que para ingresar á facultade había que saber ler e escribir. A culpa de todo a teñen os vellos por deixarnos o país que nos deixaron.
¡ Embusteiros! dixo un señor maior mentres pregoaba que para volver ás vellas boas épocas nada mellor que unha boa guerra .A culpa de todo a teñen os xornalistas porque xunto coa noticia aproveitan para contrabandear ideas e negocios propios.
¡ Censura! dixo unha xornalista mentres, cos dedos cruzados, rezaba pola violación e o asasinato noso de cada día. A culpa de todo tena o imperialismo.
Thats not true! dixo un imperialista mentres cargaba en celeiro o seu barco un anaco de territorio co seu subsolo, o seu espazo aéreo e a súa xente incluída. The ones to blame are the sepoy, that allowed us to take even the cat.
¡ Infundios! dixo un cipaio mentres marcaba nun plano as zoas do territorio máis rendibles. A culpa de todo tena Melchor.
¡ Ridículo! dixo Melchor acostumado a estas situacións. A culpa de todo tena AJA
¡ Covardes! dixo AJA que disto tamén sabía un montón. A culpa de todo tena a xente como Otero Regal por escribir tonterías e estupideces
¡ Paren a man! dixen eu mentres me protexía detrás dunha caixa de gaséoas. Eu sei quen ten a culpa de todo. A culpa de todo tena O OUTRO.
¡ O Outro sempre ten a culpa!
¡ Iso, iso! exclamaron todos a coro. O Regal ten razón: a culpa de todo tena El Otro.
Dito o cal, despois de berrar un anaco, tomar algunhas cañas, pagar algunha ronda, falar un pouco de fútbol , marchamos ás nosas casas por ser xa a hora de cear e porque o culpable xa fora descuberto. Mentres nos iamos non podiamos deixar de pensar: ¡FOI O OUTRO!
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
