XOVE .- Inícianse as expropiacións para a construcción da vía rápida Costa Norte no tramo comprendido entre O Castelo e Celeiro. As expropiacións comezan en Xove o día 9 e seguirán en Viveiro o 18 de marzo, según indica Unións Agrarias. Esta organización informa sobre este tema o día 6 en Xove, na aula de formación do Concello de Xove, ás nove da noite.
“O proceso atópase no momento de levantamento de actas previas, que será un dos aspectos que se abordarán nas intervencións, xunto a outros temas, como os dereitos dos propietarios dos terreos en materia de expropiación forzosa ou os trámites administrativos que require unha expropiación”, explica Unións Agrarias.
Nota de Prensa
O acto terá lugar mañá venres, día 6, na Áula de Formación do Concello de Xove, ás 21:00 horas
Unións Agrarias organiza una charla informativa sobre a expropiación de terreos para a Vía Rápida Costa Norte
Unións Agrarias organiza mañá venres, día 6, en Xove, unha charla informativa sobre a expropiación de terreos para o tramo de próxima construción Celeiro-San Cibrao, da Vía Rápida Costa Norte, que descorrerá entre Ferrol e Cervo.
O proceso atópase no momento de levantamento de actas previas, que será un dos aspectos que se abordarán nas intervencións, xunto a outros temas, como os dereitos dos propietarios dos terreos en materia de expropiación forzosa ou os trámites administrativos que require unha expropiación.
Para este treito, as expropiacións comezan o vindeiro día 9 de marzo en Xove e rematan o 18 de marzo en Viveiro.
O acto celebrarase na Áula de Formación da Casa do Concello de Xove, mañá venres, ás 21:00 horas. Os relatores serán Hilario Moliner, responsable comarcal de Unións Agrarias na Mariña de Lugo, e José Antonio Diéguez Otero, presidente de Vento Noso e da CMVMC Faro de Argozón, de Chantada.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
