Nota de Prensa
ANTONIO VEIGA ASEGURA QUE TODO O QUE FALTA PARA A POSTA EN MARCHA DO PARQUE COMARCAL DE BOMBEIROS ESTÁ NO TELLADO DO ALCALDE DE BARREIROS. OS NACIONALISTAS DIN QUE DEBERÍA FELICITARSE POLO APROBADO HOXE NO PLENO DO CONSORCIO.
Barreiros, 23 de marzo de 2009. Desde o BNG de Barreiros “entendemos que hoxe se deu un paso importante hacia adiante no tema do Consorcio de Bombeiros e cara á posta en funcionamento do parque comarcal de Barreiros. Hoxe reuníuse o pleno do Consorcio, que se reúne cando se ten que reunir. O Consorcio segue adiante coa súa marcha administrativa normal, segue adiante cos seus trámites, non sei a qué veñen certas preocupacións dalgún alcalde coma o de Barreiros, preocupacións que non tivo no seu día para conseguir a licencia”. O voceiro do BNG en Barreiros, Antonio Veiga, lembra que “éste é un edificio que está fora de ordenación, bueno estaba, e está a piques por fin o Concello de Barreiros de rematar os trámites para a concesión da súa licencia. Haberá que dicirlle tamén a Fuente Parga que explique con todo luxo de detalles cales foron as trabas e quen puxo as trabas para a concesión da licencia, creo que non son os responsables os que él está a dicir neste momento na prensa”.
Veiga Outeiro considera que “o alcalde de Barreiros hoxe tiña que felicitarse porque nese pleno se aprobou o orzamento do Consorcio e curiosamente aprobóuse ese orzamento para o último trimestre de 2009 (outubro, novembro e decembro) para o parque de Barreiros porque é o primeiro que se vai a poñer en marcha e tamén son boas noticias para Barreiros porque hoxe tamén se aprobou o persoal do Consorcio que contará con 102 traballadores dos que 19 son para Barreiros. O parque comarcal contará cun xefe de parque, 3 cabos bombeiros e 15 bombeiros conductores”. Desde o BNG engaden que “todo o que falta relacionado co edificio deste parque comarcal está no tellado do Sr.Alcalde, e o que para nós non é de recibo e decímoslle a Fuente Parga que mire ben as declaracións que fai para non caer en contradicións. Eu creo que, que a estas alturas e tres anos despois de terse firmado un convenio para o abastecemento de auga cos promotores inmobiliarios, siga dicindo que non pode garantir o abastecemento ao parque de bombeiros desde logo que é de risa porque aquí non había ningunha institución polo medio, a única institución que había era o Concello de Barreiros e 25 promotores. Agora si o alcalde foi incapaz durante estes tres anos de executar os avais e ofrecernos aos barreirenses un abastecemento de auga que garantizara durante 25 anos todas as previsións que había e dentro desas previsións están tamén non só as novas construccións e segundas residencias senón que tamén tería que estar o parque de bombeiros que debería ser a máis primordial de todas”.
Antonio Veiga non quere entrar “no que di o Sr.Alcalde sobre si dou auga si o incendio é en Barreiros ou non lle dou auga si o incendio é fora de Barreiros. Eu creo que iso é andar por libre e considero que o alcalde ten que aceptar os compromisos adquiridos e cando se decidiu, en pleno goberno do PP na Deputación e na Xunta, que se instalase o parque de bombeiros en Barreiros sería por razóns técnicas e non por outras razóns. E si era por razóns técnicas a Corporación e a alcaldía aceptóuno entón carga coa responsabilidade de darlle abastecemento de auga. Esas declaracións están fora de lugar, coma sempre botando as culpas a quen non as ten cando as culpas están dentro da propia casa. Eu creo que tres anos deron para moito, en tres anos non se fixo nada a respecto do convenio da auga e agora xa empezamos a pagar as primeiras consecuencias”.
Os nacionalistas lembran que “nós sempre nos mantivemos na mesma postura sobre o custe cero que a posta en marcha deste Consorcio debía ter para os Concellos e así no seu día a Xunta asumiu o 50% e a Deputación o 50% restante, aínda que nun principio se falaba de que os Concellos aportasen o 20%”.