A MARIÑA -. O Observatorio da Mariña pola Igualdade pon en marcha a iniciativa “Dalle a volta” co fin de “achegarlle o feminismo á mocidade”. A campaña comezará o venres ás doce do mediodía a súa andaina por distintos institutos de secundaria da Mariña. O lugar escollido para a presentación foi o IES San Rosendo de Mondoñedo, cumprindo tamén o obxectivo do Observatorio de chegar coas súas propostas a prol da igualdade a todos os recantos da Mariña.
Nota de Prensa
O Observatorio da Mariña pola Igualdade inicia a campaña “Dálle a volta” polos institutos da comarca para achegarlle o feminismo á mocidade
A presentación será este venres 13 de marzo, ás 12 do mediodía, no IES San Rosendo de Mondoñedo
A campaña “Dálle a volta” comezará este venres ás 12 do mediodía a súa andaina por distintos institutos de secundaria da Mariña. O lugar escollido para a presentación foi o IES San Rosendo de Mondoñedo, cumprindo tamén o obxectivo do Observatorio de chegar coas súas propostas a prol da igualdade a todos os recantos da Mariña. A iniciativa está promovida polo Observatorio da Mariña Pola Igualdade, e financiada pola Secretaría Xeral de Igualdade da Vicepresidencia da Igualdade e do Benestar.
“Dálle a volta” é unha campaña que busca chamar a atención das mozas e mozos sobre como os roles de xénero estabelecidos para mulleres e homes limitan as súas opcións vitais, reservando uns papeis para as mulleres e outros para os homes. Así, traballando cuns dípticos que teñen por lema “Dálle a volta ao modelo estándar” e “Deixa de ser como a sociedade che di que tes que ser”, búscase achegar o feminismo ás mozas e mozos, presentándoo como unha alternativa de liberdade para mulleres e homes que permite transformar a sociedade machista para camiñar cara a unha igualdade de xénero na que todas e todos poidamos desenvolvernos coas mesmas oportunidades independentemente do noso sexo.
Segundo explica a responsábel da campaña, Carolina García Chico, a iniciativa tamén busca “empezar a introducir o concepto de feminismo e a necesidade do seu uso”. Neste sentido, cremos fundamental rachar cos falsos mitos arredor do feminismo (sobre todo coa falacia amplamente extendida que iguala o feminismo coa superioridade das mulleres), así como contribuír ao seu recoñecemento, xa que grazas ao labor dos feminismos nos últimos tres séculos as mulleres podemos acceder a esferas da vida política e social que antes nos permanecían vedadas”.
A iniciativa está enfocada ao traballo coa mocidade, aínda que tamén se complementa con traballo co profesorado dos centros. Por unha banda, traballarase coa mocidade mediante a entrega e traballo crítico sobre uns dípticos de sensibilización, o reparto duns adhesivos co lema “Eu tamén son feminista”, e a difusión doutro tipo de material informativo sobre o Observatorio da Mariña pola Igualdade. Deste xeito búscanse conseguir os obxectivos de fomentar na mocidade a reflexión sobre os modelos sociais establecidos (como ser muller ou ser home). Pola outra, traballarase co profesorado dos centros mediante a entrega dunha enquisa para medir o grao de valoración sobre o principio de coeducación e de igualdade de oportunidades no ámbito escolar.
En suma, a campaña persegue a sensibilización social e a autocrítica sobre os roles e estereotipos de xénero, o acercamento do Observatorio da Mariña pola Igualdade á sociedade e ás institucións educativas, así como medir e avaliar o grao de implicación dos centros educativos nun aspecto tan importante como é o principio de coeducación nas escolas.
Próximas accións
Ademais da súa presentación este venres no IES San Rosendo, a campaña levarase a outros centros de secundaria da Mariña durante este curso escolar. Malia que neste momento aínda non están concretadas as datas exactas, a campaña está a ter unha excelente acollida en todos os centros contactados, o que á súa vez demostra a grande demanda que o profesorado da nosa comarca ten sobre este tipo de iniciativas que contribúan á reflexión crítica sobre os papeis de xénero.
Alén disto, a difusión dos dípticos da campaña “Dálle a volta” estase a realizar tamén noutros organismos de atención á xuventude como son os centros de Información Xuvenil e o Centro Quérote situado no Concello de Burela.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
