XOVE .- Comerciantes de Xove acordaron votar a andar de novo a Asociación de Comerciantes, Industriais e Autónomos do Municipio de Xove, ACIA, que permanecía inactiva desde o ano 1995. A decisión tomouse nunha xuntanza que mantiveron os interesados o pasado día 10 no salón de actos do Concello e o luns, día 16, xuntaranse de novo para potenciar a iniciativa.
NOTA DE PRENSA.-
O Concello de Xove considera de importancia o fenómeno do asociacionismo e é consciente das vantaxes que supón no ámbito da empresa.
Despois de coñecer as inquietudes dalgún comerciante a cerca de crear unha agrupación do sector e ante a súa petición de convocar unha xuntanza na que as distintas empresas puideran ter un punto de encontro, ofrecemos a nosa axuda na xestión dunha convocatoria que tivo lugar o pasado 10 de marzo de 2008 ás 20:30 horas no Salón de Actos.
Nesa reunión acordouse reavivar a xa existente Asociación de Comerciantes, Industriais e Autónomos do Municipio de Xove, creada en 1991 e sen actividade desde 1995.
En colaboración coa súa Presidencia en funcións, o Concello convoca a unha nova reunión informativa que se celebrará no Salón de Actos o próximo luns día 16 de marzo ás 20:30 H. Esta nova xuntanza contará coa presenza do Alcalde de Xove don José Demetrio Salgueiro Rapa, o Tenente de Alcalde e delegado de Comercio don José Manuel González Álvarez, o Presidente en funcións da ACIAM de Xove don Antonio Alonso Pita, a Presidenta da ACIA de San Ciprián dona Ana Isabel San Eloy Vigil e a Axente de Emprego e Desenvolvemento Local de Xove dona Rosa Lage Canoura, para tratar os seguintes temas:
-Información sobre unha asociación de empresarios/as (vantaxes e funcionamento).
-Actividades a desenvolver desde unha asociación.
-Funcións da Xunta Directiva dunha asociación deste tipo.
-Solicitude de alta e/ou baixa na Asociación de Comerciantes, Industriais e Autónomos do Municipio de Xove.
A esta xuntanza están convocadas 156 empresas que, ou formaban parte da ACIAM, ou figuran no Padrón de IAE con actividades que se consideraron apropiadas para formar parte da Asociación.
As novas persoas socias que saian desta reunión e o resto de socios e socias da ACIAM de Xove, celebrarán a continuación unha Asamblea Xeral Extraordinaria, baixo a seguinte orde do día:
PRIMEIRO.- Lectura dos estatutos da ACIAM de Xove.
SEGUNDO.- Actualización de asociados e asociadas con altas e baixas pertinentes.
TERCEIRO.- Establecemento da normativa que regulará o proceso electoral da nova Xunta Directiva.
CUARTO.- Presentación de candidaturas para a elección de Presidente/a, Vicepresidente/a, Secretario/a e Tesoureiro/a e unha persoa vocal como mínimo, procedéndose na mesma sesión á votación, elección e toma de posesión dos mesmos.
QUINTO.- Cotas a establecer aos asociados.
SEXTO.- Calquera outro tema de interese.
SÉTIMO.- Rogos e preguntas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
