BURELA (FNC) .- O Concello de Burela, segue a desenvolver políticas encamiñadas a favorecer a vertebración do comercio urbano, así dende a Delegación de Industria, Comercio e Turismo da que e responsable José González Legazpi, vense de dar contido e trámite a un novo proxecto ao amparo do Plan de Renovación do Comercio Galego da Consellería de Innovación e Industria. Dentro da liña denominada Urbancomer para a vertebración do comercio urbano o Concello de Burela, como xa ten feito o pasado ano nas rúas Marqués de Sargadelos e Ramón Farré, ven de dar traslado dunha solicitude de subvención para un novo proxecto a executar dende novembro do presente ano 2009 ata abril de 2010.
Este proxecto consistirá, segundo explica González Legazpi “na mellora do alumeado público e dotación de mobiliario urbano nas rúas Rosalía de Castro e Pardo Bazán do noso Concello de Burela, dando continuidade deste xeito por parte do Concello á promoción, adecuación e mellora dos equipamentos comerciais de uso colectivo nas áreas que polo seu carácter de alta capacidade residencial están a xerar a implantación de actividades comerciais. No caso concreto destas dúas rúas hai que dicir que contan cun asentamento de mais de 60 establecementos de pequeno comercio”. As obras a executar serán a substitución de farolas, dotación de mobiliario urbano e construción de aseos públicos no parque, cun orzamento total de 210.459 € en dúas anualidades.
Este novo proxecto xunto cos xa desenvolvidos “favorecerá as condicións necesarias dos contornos comerciais polo que sin dúbida representara tamén unha importante valorización do asentamento e desenvolvemento económico do tecido empresarial e comercial de Burela” segue a contar o responsable de Comercio no Concello.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
