CERVO .- As localidades de Cervo –capital-, Sargadelos, A Senra, Rúa e San Román vivirán por anticipado o apagón analóxico pois adiántase o cambio na tecnoloxía empregada para recibir a sinal de televisión. Así o informou o Concello de Cervo quen explicou que entre o vindeiro martes 10 e o mércores 11 de marzo o repetidor situado no monte de San Román, deixará de emitir as distintas canles televisivas analóxicas para ofrecer en exclusiva a variada oferta de televisión dixital terrestre (TDT).
VARIADA OFERTA DE CANLES CON MAIOR CALIDADE
Os veciños destas localidades terán a oportunidade de recibir máis dunha trintena de canles de televisión e radio con calidade dixital –moi superior á analóxica- que inclúen, ademais das televisión xeneralistas habituais, novas canles musicais, infantís, informativas e deportivas, de ocio e ficción e específicas para a xuventude ou para os amantes das series nacionais ou internacionais. Tamén poderán recibir nos seus televisores varias emisoras de radio e a programación actualizada desta multitude de novas canles. A emisión en probas desta tecnoloxía dixital comezará xa o próximo luns 9 de febreiro polo que é previsible que se produzan –segundo indican os técnicos- cortes intermitentes nas canles analóxicas.
TELEVISIÓN DE GALICIA
Dentro do amplo e variado paquete de novas emisoras tamén recibirán a Televisión de Galicia (TVG) que ata o momento tan só pode verse na súa versión analóxica no resto do municipio.
ADAPTARSE A TDT
Para recibir esta variada programación televisiva e de radio dixital é preciso contar cun televisor que conteña esta variada tecnoloxía ou ben dispoñer dun decodificador TDT. Nalgúns casos as comunidades de veciños deberán adaptar a súa antena á nova tecnoloxía. A Televisión Dixital Terrestre proporciona unha notable mellora na calidade de son e imaxe, permitindo tamén a alta definición.
APAGÓN ANALÓXICO
O apagón analóxico é o nome co que se coñece o cese das emisións analóxicas dos operadores de televisión. No conxunto da Comunidade Autónoma e no resto do concello este apagón debe ser unha realidade en 2010, data na que a TDT acadará todos os televisores de Galicia. Ademais das vantaxes expostas con anterioridade, con fin de sinais analóxicas procederase a liberar ancho de banda que poderán ser empregado para mellorar outras tecnoloxías como é o caso de internet ou o Wi-Fi, etc.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
