XOVE.- O sábado pasado celebráronse dúas tiradas de bolos no centro social de Morás. Deste xeito queda recuperada a xornada que fora aprazada polo mal tempo no mes de febreiro. A liga continúa coa mesma tónica das últimas xornadas en canto á clasificación.
Liga de Maiores.- A falta da última tirada de Sumoas moi poucas cousas cambiaron na cabeza. José Rafael González só foi capaz de recortarlle 1 punto ao líder, estando actualmente a 8 puntos de distancia; na última tirada de Sumoas todo pode ser posible, pero en condicións normais vai ser moi difícil sacarlle a Arturo Vigo o liderado, dado que inda que José Rafael gañara e fixera a mellor bolada poríase con 152 puntos, co cal a Arturo chegaríalle con ser 5º. Realmente pódense dar moitas combinacións e ata o final hai que esperar, dado que non é a primeira vez que salta a sorpresa na última tirada. A terceira posición final vai ser definitivamente para Ginés Rodríguez, quen xa non pode alcanzar aos de cabeza e non pode ser alcanzado polos que veñen detrás. Os magníficos resultados acadados por César Cancelos nas dúas últimas tiradas permítenlle desprazar da cuarta posición a Luis Rancaño, quen pasa ao quinto posto, seguido de Augusto Albo.
En canto á mellor bolada, ata o momento José Rafael (15 de novembro na Vara) e Carlos Javier Rodríguez (7 de marzo en Vilachá) comparten con 98 tantos este posto, polo que en Sumoas se non se supera este tanteo terán que desempatar.
Recordamos que os trofeos aos tres primeiros clasificados e mellor bolada de cada categoría (Sub 18 e Liga de Maiores) son doados, xa dende hai moitos anos, pola empresa AUTOESCUELA MUNDIAL, a quen a organización quere agradecerlle esta colaboración con este deporte tradicional tan noso.
Liga Sub 18.- Xa temos CAMPIÓN, e loxicamente non é outro que ANDRÉS RODRÍGUEZ RAMOS, quen se proclamou oficialmente o sábado 14 de marzo en Morás. Repite polo tanto e acada brillantemente o seu segundo entorchado. Estamos a falar, e disto non nos queda ningunha dúbida, dunha das grandes promesas de futuro deste deporte na Liga Senior. Se sigue con esta progresión, Andrés está predestinado a superar os logros do seu pai, que non é outro que Ginés Rodríguez, o terceiro clasificado da Liga de Maiores. Felicidades polo tanto a Andrés. Temos tamén segundo clasificado, JOSÉ VIGO LAGE, que repite entorchado igualando o subcampionato da pasada temporada; O mesmo que Andrés, estamos tamén a falar dun xogador cunha gran proxección de futuro, seguindo os pasos do seu pai que non é outro que Arturo Vigo. En canto á terceira posición temos importantes novidades, dado que os excelentes resultados acadados por Cristian Rodríguez nas dúas ultimas tiradas permítenlle igualar a puntos con Adrián Bouso, polo que se terán que xogar esa terceira posición final na tirada de Sumoas.
REMATE DA XXª TIRADA (VIIIª LIGA SUB 18) DE BOLOS CONCELLO DE XOVE
SÁBADO, 21 DE MARZO.- CENTRO SOCIAL DE SUMOAS. REMATE DA XXª TIRADA DE BOLOS COA ENTREGA DE PREMIOS E TROFEOS.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
