XOVE .- O delegado da Área de Cultura da Deputación, o nacionalista Antonio Veiga, presentou este xoves a XIX edición do Curso de Música de Semana Santa, un evento patrocinado pola Vicepresidencia Primeira da Deputación de Lugo e o Concello de Xove, no que tamén colaboran os concellos de Mondoñedo e Burela. Contribuír na formación orquestral dos máis novos e achegalos ao ámbito profesional son dous dos obxectivos deste curso intensivo de música que terá lugar do 6 ao 11 de abril na Escola de Música de Xove.
No transcurso da rolda de prensa, Antonio Veiga destacou a necesidade de potenciar e promover, nas distintas comarcas lucenses, actividades musicais na liña do Curso de Música de Semana Santa de Xove “para achegar aos máis novos a un estilo musical diferente, ou simplemente descoñecido, e fomentar unha maior e mellor formación orquestral dende a base”. Por iso, o delegado da Área de Cultura loou o labor realizado pola organización do evento ao pór en contacto o seu alumnado coas escolas de música e os conservatorios existentes en Galiza. Ademais, salientou que estes alumnos e alumnas contarán cun profesorado de primeira liña coma son a profesora e o membro da Real Filharmónica de Galicia, Elina Viksne e Thomas Phiel, especialistas en violín e violonchelo, respectivamente.Así mesmo, lembrou tamén que formarán parte do equipo docente os dous profesores da Escuela de Altos Estudios Musicales de Galicia, Humberto Armas e Nikolay Stoyanow Velikov, expertos en viola e violín, respectivamente.
Ao remate da súa intervención, o delegado da Área de Cultura da Deputación de Lugo recalcou a existencia dun compromiso adquirido pola área que el dirixe en prol dun maior e mellor desenvolvemento da actividade musical en de todas as comarcas. Nesta liña, Antonio Veiga subliñou a necesidade de seguir traballando para “asentar e manter este tipo de iniciativas”, en moitos casos “pioneiras”, asegurou. Logo disto, o nacionalista instou ao resto das administracións a colaborar activamente neste tipo de proxectos, un labor no que traballa día a día a Vicepresidencia Primeira da Deputación.
Na rolda de prensa tamén estiveron presentes o alcalde de Xove, Demetrio Salgueiro, os concelleiros de cultura dos concellos de Mondoñedo e Burela, Xurxo Fernández Hora e Nieves Cando, e o director das Escolas de Música de Burela, Mondoñedo e Xove, Xan Carballal, que agradeceron a implicación e a colaboración da Área de Cultura da Deputación neste proxecto. Nesta liña, Carballal recalcou que participar nun curso desta categoría suporíalles aos pais e ás nais destes rapaces o pagamento dunha matricula cun custo moi elevado. Ademais, na maioría dos casos o alumnado tería que trasladarse á capital galega ou á española para poder cursar estes estudos. Por iso, o responsable das Escolas de Música dos tres concellos implicados asegurou que este proxecto está cargado de “ilusións” e de “gañas de traballar”, ao tempo que salientaba que esta é unha “experiencia moi enriquecedora” tanto para o alumnado coma para o persoal docente.
Un profesorado de primera categoría
Nesta última edición, o programa do curso xirará arredor da figura e obra do compositor F. Mendelssohn con motivo do bicentenario do seu nacemento. Os alumnos deste taller traballarán coa obertura “As hébridas” ao longo da primeira xornada, agrupados en seccións (grupos de instrumentos) e, ao final do día, realizarán xa de xeito grupal, un ensaio xeral da peza musical do intérprete alemán. Os filharmónicos J. Haydn e G. Fauré completan a oferta docente deste curso. As súas composicións, “Sinfonía nº. 100 Militar” e “Masquets et Bergamasques”, serán o eixo vertebrador das tres próximas sesións. A maiores, o programa conta tamén con varias clases maxistrais e de grupos de cámara para os dous últimos días do curso e un concerto de música sacra o día 6 de abril ás 20:00 horas.
O inscrición neste ciclo é totalmente gratuíta e continuará aberta ata a data de inicio das clases. Aínda que a organización do Curso de Música de Semana Santa non pode facilitar neste momento unha cifra oficial do número de inscritos, si calcula que participarán neste taller arredor duns 50 ou 60 rapaces e rapazas pertencentes aos distintos concellos da Mariña lucense. Boa parte deste alumnado superará os 14 anos pero, para os alumnos e alumnos de menor idade, o profesorado adaptará o programa existente en función das súas capacidades e da súa evolución ao longo das xornadas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
