XOVE.- Nunha tarde agradable e co campo en perfectas condicións, cunha boa participación con 25 inscritos, 18 da Liga de Maiores e 7 da Sub 18. Esta tirada teríase que ter celebrado o sábado 24, pero debido ao mal tempo atrasouse ata o sábado 31. A Tirada de Xove que tería que terse realizado este sábado 31 pasouse case para o final, concretamente para o 14 de marzo vindeiro.
Liga de Maiores.- A vitoria de Arturo Vigo fai que continúe líder destacado, acadando os 100 puntos en solitario; a 10 puntos e con 90 totais está José Rafael González, quen lle segue aguantando o tirón a Arturo, sendo eles, hoxe por hoxe, os candidatos principais ao trunfo final; a estas alturas da tempada debería producirse un cambio espectacular para que Arturo e José Rafael non se disputaran as dúas primeiras prazas. Se as dúas primeiras posicións teñen dous candidatos moi definidos, a terceira praza, que completa a tríade gañadora, ten moitos noivos, estando bastante cerrada a clasificación entorno a esta posición: Luis Rancaño mantén en solitario e a duras penas esta posición con 64 puntos, un máis que Ginés Rodríguez que é cuarto con 63, vindo por detrás Augusto Albo con 57, Carlos Javier con 45, José Manuel Cociña con 43, etc.
Liga Sub 18.- Tendo un campión virtual da temporada en Andrés Rodríguez, quen con 25 puntos de vantaxe sobre o segundo pode rematar esta segunda volta con total tranquilidade, a pelexa está centrada para a segunda e terceira posición. Segundo continúa Jose Vigo con 32 puntos, pero que non foi capaz de puntuar esta semana, o que aproveitou Adrián Bouso para achegarse a esa posición con 29 puntos; moi perto está Alex Meitín con 26 puntos e un pouco máis afastados Cristian Rodríguez con 20 e Óscar Pérez con 15.
A Vindeira tirada, e cuarta desta segunda volta, vai ter lugar no CENTRO SOCIAL DE O CRUCEIRO, O VINDEIRO SÁBADO, 7 DE FEBREIRO DE 2009.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
