FOZ .- O centro de formación A Aixola de Marín, dependente da Consellería de Pesca, dedicará unhas 3 mil horas a restaurar a fibra e a carpintería da embarcación Chad Band, pertencente ao Concello de Foz, que no futuro se dedicará a fins didácticos. Nesta fase da reparación acometerán o saneamento da habilitación interior, da cuberta e da caseta da ponte de mando deste barco que ten 15,50 metros de eslora, 4,60 metros de manga e 3 metros de puntal. O Chad Band é un barco procedente do narcotráfico que foi cedido ao Concello de Foz para dedicalo a fins formativos.
Fonte
“A Aixola” repara unha embarcación do concello de Foz que será destinada a actividades de divulgación sobre o mar
A reforma será acometida polos alumnos do centro da Consellería de Pesca e incluirá, entre outras actuacións, o saneamento da habilitación interior do barco, da cuberta e da caseta da ponte de mando
Santiago, 15 de febreiro de 2009.- O centro de formación “A Aixola”, dependente da Consellería de Pesca e Asuntos Marítimos, acaba de recibir nas súas instalacións de Marín unha embarcación, propiedade do Concello de Foz, que será reparada para, posteriormente, ser destinada a actividades de divulgación sobre o mar. Trátase dun barco de 15,50 metros de eslora, 4,60 metros de manga e 3 metros de puntal e a súa dimensión, xunto cos traballos a desenvolver, fan da reforma a primeira actuación desta envergadura que se leva a cabo na escola.
Á espera dun proxecto de actuación definitivo co que se contará nas vindeiras semanas, o informe preliminar sobre o estado do barco establece a necesidade de acometer unha reparación de grande calado. Esta obra constituirá unha boa oportunidade para os alumnos do centro, xa que participarán de forma activa na recuperación do barco e, de feito, xa se estima que serán necesarias unhas 1.500 horas correspondentes ao módulo de fibra e outras tantas para o de carpintería.
Entre as accións a levar a cabo atópanse a substitución da quilla na parte de proa, o saneamento da habilitación interior e da caseta da ponte de mando e a instalación de novos motores, o que será aproveitado para realizar un novo acceso aos mesmos. Ademais, haberá que reparar as táboas de cuberta e cambiar algúns baos, varandas, candieiros e outros accesorios desta zona por atoparse en mal estado, ao tempo que será necesario substituír o cintón de estribor e instalar tambuchos e fiestras e a consola na ponte de mando.
A meirande parte dos elementos que haberá que cambiar serán elaborados e instalados polos profesores e os alumnos do centro, que se encargarán de levar a cabo as devanditas tarefas no marco da súa formación no centro “A Aixola”. Así mesmo, a escola deberá facer fronte aos gastos derivados da compra de materiais e algúns dos compoñentes que se instalarán no barco.
Esta actuación enmárcase no espírito co que a escola ten traballado dende que abriu ás súas portas no ano 1997, xa que ademais da súa repercusión no plano laboral cumpre unha importante tarefa social. De feito, “A Aixola” réxese por tres alicerces: a recuperación do patrimonio marítimo, a colaboración con outras institucións públicas e o ofrecemento de apoio a colectivos de risco en exclusión social.
Boa proba desta orientación son algunhas das actuacións levadas a cabo no centro nos últimos meses, entre as que se atopan a construción dunha embarcación cabinada que a Consellería de Pesca cedeu ao Servizo Provincial de Costas de Pontevedra, dependente do Ministerio de Medio Ambiente y Medio Rural y Marino, ou a restauración dun racú propiedade da Asociación de Amigos da Dorna Meca. Ademais, dende “A Aixola” fíxose entrega ao Clube de Remo Chapela da súa embarcación pneumática totalmente reparada, despois de que sufrira diversos danos no transcurso dunha regata de traiñeras, así como de dúas lanchas pertencentes ao Concello de Marín, que foron arranxadas polos alumnos do curso de Reparación de embarcacións pneumáticas.
Oferta formativa do centro
A oferta formativa desta escola, dependente da Consellería de Pesca e xestionada polo Centro Tecnolóxico do Mar–Fundación Cetmar, foise incrementando e adaptándose ás novas necesidades e aos cambios experimentados na actividade marítimo-pesqueira. Aínda así, consérvanse cursos propostos inicialmente, como son o de modelador de poliéster, o de laminador de poliéster, o de carpintería de ribeira ou o de redeiro e velería.
No entanto, ao longo dos case doce anos que a escola leva aberta, tamén se puxeron en marcha novas accións formativas como é o curso de reparacións polivalentes, o de reparación de embarcacións pneumáticas e o de manipulación de polietileno e polipropileno en buques de pesca e acuicultura. Ademais, incorporouse o Módulo Ocupacional de Creación de Empresas (MOCE), que pretende dar resposta á demanda existente entre algúns alumnos de cara á creación da súa propia empresa.
Así mesmo, cabe destacar que toda a formación que se imparte no centro ten unha compoñente importante de I+D+i, xa que se busca desenvolver novos materiais e formas de traballo que beneficien o sector marítimo-pesqueiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
