NOTA DE PRENSA (FNC)
A DELEGACIÓN DO CIS DA MADEIRA DE LOURENZÁ COMENZARÁ A TRABALLAR CON 7 TÉCNICOS NAS VINDEIRAS SEMANAS. OS NACIONALISTAS SULIÑAN QUE SUPORÁ UN IMPULSO PARA O SECTOR EN TODA A PROVINCIA DE LUGO.
A Mariña, 18 de febreiro de 2009. O BNG destaca nesta xornada que o sector da madeira contará a finais deste mes ou na primeira semana de marzo cunha delegación do Centro Tecnolóxico da Madeira en Lourenzá. O nº 3 da lista por Lugo, Manuel Parga, sinala que “o CIS da madeira é un organismo público ao servizo da industria da madeira de Galiza co obxectivo de contribuir a mellorar a posición competitiva das empresas, a facer un aproveitamento óptimo dos recursos forestais, maiores aplicacións e maiores calidades para os productos derivados da mesma”.
Os nacionalistas din que “este centro, que depende da Consellería de Innovación e Industria, busca nun sector tan importante na Mariña e na provincia de Lugo novas saídas para a transformación da madeira que van beneficiar a máis de 600 empresas do sector da madeira do moble en toda a provincia. É unha delegación que terá funcións coma un mellor aproveitamento da masa forestal, achegamento de servizos ás empresas, novos usos da madeira e novas posibilidades coma productos ecolóxicos, investigacións para poder aumentar o uso na construcción, no sector dos chapeados, no sector dos aserradoiros, no sector do moble…”. Manuel Parga considera que “vai ser un servizo moi importante na nosa comarca para un sector estratéxico que vai conseguir un maior valor engadido para os productos derivados da madeira e que vai favorecer a todo o sector”.
A ubicación desta delegación do Centro Tecnolóxico da Madeira “terá unha superficie inicial de 200 metros cadrados, pero poderá chegar ata os 400. Nela traballarán 7 técnicos e estará ubicada no Mosteiro de Lourenzá, na ala contigua ao Centro de Interpretación da Faba. Poráse en marcha a través dun convenio co Bispado de Mondoñedo por 70 anos e co que tamén se contribuirá a rehabilitar o patrimonio histórico”. Os nacionalistas “entendemos que é unha boa noticia que abre novas posibilidades e expectativas de I + D + I, de impulso do sector de transformación forestal que é de vital importancia sobre todo no contexto no que estamos. Estas son as apostas do BNG que teñen maior relevancia en tempos de crise”.
Neste asunto centrará a súa intervención Manuel Parga no mitín do BNG que se celebrará esta noite a partires das 21:30 horas en Lourenzá.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
