NOTA DE PRENSA
Balseiro Orol subliña que os feitos dan por certo as denuncias do PPdeG que afirmou que despois de que a Vicepresidencia gastase un millón de euros en reformar este centro presenta deficiencias técnicas e funcionais de tal calado que non pode ofrecer prazas para persoas non válidas
O TRASLADO DE DÚAS ANCIÁS DA RESIDENCIA DE BURELA ACREDITA QUE ESTE CENTRO NON É APTO PARA ALBERGAR A PERSOAS DEPENDENTES
• As afectadas permaneceron na enfermería do centro, nunca na zona de habitacións ordinarias e serán trasladadas ata a residencia de Láncara que si ofrece prazas para dependentes.
• A día de hoxe nin Vicepresidencia nin Manuel Parga responderon ao reto de deixar entrar as cámaras dos medios de comunicación para verificar as deficiencias da residencia pública mariñá.
A Mariña, 27 de febreiro de 2009.- O traslado de dúas persoas anciás da residencia da terceira idade de Burela ata outros centros da nosa provincia acredita que estas instalacións non son aptas para albergar a persoas dependentes. Así o explicou o candidato número tres do Partido Popular por Lugo, Jose Manuel Balseiro Orol quen, en diversas ocasións vén denunciando que a residencia de Burela non está capacitada para ofertar prazas a persoas non válidas, a diferenza do que prometeron tanto o nacionalista Anxo Quintana como o deputado desta formación política Manuel Parga.
As afectadas permaneceron na enfermería do centro, nunca na zona de habitacións ordinarias e serán trasladadas ata a residencia de Láncara que si ofrece prazas para dependentes
Balseiro Orol, tendo en conta esta situación, reclama as explicacións oportunas a Vicepresidencia. Quere que os responsables do departamento autonómico de Benestar acrediten onde gastaron o millón de euros que investiron para a remodelación dun centro que quedou nunhas circunstancias peores das que tiña con anterioridade. Esixe tamén que se lles pidan as desculpas oportunas á familia das persoas maiores residentes e a todos os veciños da Mariña “aos que se lles fixo crer que disfrutaban duns servizos que non existen”.
O engano propiciado por Vicepresidencia da boa conta -en opinión de Balseiro- do mal proceder dos actuais rexedores da Xunta de Galicia e da falta de compromiso do actual Goberno coas persoas maiores e dependentes
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
