CERVO .- A oficina habilitada o pasado 26 de xaneiro polo Concello de Cervo para asesorar aos afectados do ciclón “Klaus” leva tramitado unha vintena de solicitudes de axudas de veciños diante da Xunta de Galicia, mentres que nos seus arquivos figuran 134 valoracións de danos feitos por empresas e particulares. A xuízo do alcalde Cervense, Alfonso Villares, esta desproporción entre o número de valoracións feitas polos afectados e as solicitudes formalmente tramitadas é a proba de que os veciños sons conscientes de que as axudas da Xunta non son suficientes para cubrir todas as pérdas.
Segundo Villares, pasadas dúas semanas dende a publicación no DOG das axudas por parte da Xunta para paliar as perdas do ciclón “Klaus”, a xente está comprobando que na gran maioría dos casos non poderán percibir ningunha compensación e por iso desisten en formalizar as súas solicitudes diante das distintas consellerías. “Hai que lembrar” -sinalou o alcalde- “que a contía máxima a percibir por danos en vivendas só pode acadar os 3.000 euros”. Tamén lembrou que esta liña de subvencións non inclúe danos e perdas de alimentos conxelados, nin compensacións por cese da actividade comercial; “nin tampouco hai axudas para a retirada ou a compensación de danos pola caída de árbores e plantacións” recalcou.
Con este grao de cobertura tan limitado “e tan lonxe da realidade da sociedade galega” é comprensible para o alcalde cervense que a xente estea desmoralizada e decepcionada. “As persoas que carecían de seguro contaban con poder recibir algún tipo de compensación que paliase en parte os desperfectos e perdas nas súas vivendas e nas súas terras, pero a medida de que van vendo os requisitos que lles esixen para optar ás subvencións dánse de fociños coa grúa realidade: que as axudas anunciadas a todo volume pola Xunta non son máis que outra propaganda institucional máis” aseverou Villares.
Na opinión do primeiro edil cervense, se A Mariña se houbera declarado coma zona catastrófica “tal e coma estivemos demandando neste Concello dende o día despois da traxedia” non ocorrería o que está a acontecer neste momento. “Sendo cualificados coma zona catastrófica todos os damnificados terían garantido axudas económicas, pero parece ser que iso non lles interesa aos que din ser progresistas” sinalou Villares en alusión ao bipartito galego e ao Goberno do Estado.
RECONTO DE DANOS
Dende a publicación no Diario Oficial de Galicia (DOG) das distintas ordes de axudas da Xunta para optar a subvencións por danos ocasionados polo ciclón “Klaus” o Concello de Cervo leva atendido 234 consultas de veciños e empresas. Neste tempo a grande maioría de consultas atendidas ata o momento (183) están relacionadas con danos en tellados, cornisas, fachadas, etc… de vivendas particulares e edificios; mentres que o resto refírense ás axudas da Consellería de Industria (37) por danos en establecementos comerciais; e da Consellería de Medio Rural, por danos en explotacións forestais, agrícolas e gandeiras (14).
Ademais destas consultas, ata o momento se teñen formalizado 112 reclamacións oficiais na Oficina Municipal de Información ao Consumidor (OMIC) contra a empresa BEGASA solicitando desta subministradora de enerxía eléctrica compensacións económicas polos corte de luz sufridos durante o temporal.
709.012 EN EUROS PERDAS
Por outra banda, o Concello mantén en funcionamento dende o pasado día 26 de xaneiro unha oficina para recabar información dos danos do Klaus no termo municipal. Ata o momento son 134 as persoas particulares e empresas que se teñen achegado a estas dependencias para facilitar un reconto dos seus danos. O montante total dos danos valorado polos propios afectados ascende a 709.012 euros; dos cales 266.461 corresponden a valoracións feitas por empresas; mentres que o resto (442.551 euros) son de particulares.
Segundo os datos desta oficina, a maioría de danos denunciados (70%) son debidos a desperfectos na vivenda e pola falta de subministro eléctrico (perda de alimentos). O resto de danos reportados son pola inactividade profesional e comercial a causa da falta de electricidade (20%); e por danos forestais (10%)
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
