NOTA DE PRENSA:
O BNG DA MARIÑA AVOGA PARA QUE SECTORES COMA O DA MADEIRA E O DA PESCA TEÑAN UN REFLEXO NO MAPA DA FP. OS NACIONALISTAS TAMÉN CONSIDERAN URXENTE AMPLIAR O HOSPITAL DA COSTA E AS SÚAS CONSULTAS ESPECIALIZADAS.
A Mariña, 11 de febreiro de 2009. Os candidatos do BNG da Mariña manterán un encontro esta tarde ás 18:30 horas no Mesón O Poeta de Burela cos traballadores dos servizos pOúblicos da comarca: ensino, sanidade, centros de día, residencias da terceira idade, galescolas… Manuel Parga explica que “queremos expoñer e facer un balance do traballo feito nas áreas que nós xestionamos directamente como foron os servizos sociais ou as galescolas e tamén dar conta das propostas para o ensino e a sanidade, dúas áreas que o BNG non desempeñou directamente nesta lexislatura”. O número 3 da lista do Bloque pola provincia de Lugo entende que “tanto en sanidade coma en ensino houbo avances salientables a respecto dos gobernos anteriores do PP aquí na nosa comarca. Houbo un importante impulso á mellora dos centros educativos, a parte das melloras globais que afectaron a todos os sectores”.
Os nacionalistas aseguran que “hai cuestións tanto en sanidade coma en ensino que é preciso mellorar na nosa comarca. No que respecta á rede de Formación Profesional necesita dun impulso máis decidido para enraizar e coordinar todas as actividades de FP co mundo empresarial. Sectores tan importantes coma o da madeira ou a pesca teñen que ter un reflexo no mapa da FP que dea saída e que estea encamiñado para ter posibilidade de traballo toda a xente que sae da Formación Profesional”.
Manuel Parga considera que “no ámbito sanitario hai cuestións pendentes que non van coa rapidez que nós desexearíamos… terían que mellorar a eficiencia dos servizos primarios de saúde á hora de contar con máis persoal e poder dar resposta coa maior brevidade posible creando puntos de atención continuada e racionalizando os existentes. E unha cuestión que está moi pendente e que consideramos que é necesario darlle un maior impulso unha vez que foi aprobado o plan director do Hospital da Costa… a asignatura pendente é acometer as ampliacións tanto en espazo en número de camas coma en consultas especializadas, é dicir darlle unha carteira de servizos máis ampla que convirta realmente ao Hospital da Costa nun hospital de referencia para toda a comarca”.
O BNG sinala que “os servizos públicos son unha oportunidade de creación de emprego, tamén de impulso nunha situación de crise coma a actual para fomentar a demanda, fomentar o consumo e que beneficie ao conxunto dos sectores económicos da comarca”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
