BURELA (FNC) .- A responsable de Benestar Social no Concello de Burela, Neves Cando, sae ao paso das acusacións realizadas hai uns días desde o PP relativas á situación da galescola. A Cando parécelle que “os señores Barcia e Balseiro non teñen vergonza e si moita caradura cando fan as declaracións que fan da galescola de Burela. Non teñen nin idea do que están a falar, pero como estamos en campaña veñen para sacar a foto”.
A edil nacionalista engade que “non hai ningún tipo de abandono por parte do Concello, porque cando se produciron as primeiras goteiras os traballadores municipais estiveron alí selando o tellado e non nin goteiras nin filtracións a día de hoxe. Téñolles que lembrar que xa en decembro despois de avisar ao Consorcio Galego se desprazaron a Burela dous técnicos para avaliar os danos e xa naquel momento se anunciou que se repararía a cuberta no verán”.
Neves Cando considera que “parece que o Sr. Barcia non vive en Burela ou máis ben que non se entera do que pasa por aquí. O Sr. Barcia nunca preguntou en ningún pleno por este asunto… si se molestase en traballar por Burela sabería de que estou a falar. Repito que no seu día xa falamos cos pais para dicirlles que sería no verán cando se acometería ese arranxo porque a galescola ten que pechar dous meses e si iso se fai nestas datas ocasionaríalles moitas molestias. Será no verán cando se corrixa a deixadez de case 10 anos do PP á fronte do Concello de Burela, porque aos 2 anos da construción deste centro xa tiña goteiras e xa o BNG naquel momento lle pediu ao PP que lle esixise responsabilidades á empresa constructora”.
A concelleira de Benestar Social envíalle unha mensaxe a X.M.Balseiro “teño que dicirlle que vai predicar ao seu concello, e que constrúa alí unha galescola porque hai moitos pais e nais de Cervo que se veñen vivir a Burela porque alí non contan con instalacións deste tipo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
