RIBADEO (FNC) .- Sen acordos rematou a xunta de voceiros desta tarde. O alcalde, Fernando Suárez, explicou que “non se chegou a ningunha solución alternativa e polo tanto segue en vigor o que sempre estivo en vigor que é a aplicación da norma. Unha norma que foi creada en 1998 sendo aprobada e ratificada ano tras ano cos incrementos do IPC”. O rexedor entende “que a postura da oposición poida ser máis tranquila, pero nós somos goberno e temos que dar determinados pasos porque o tempo están correndo e nós non nos podemos quedar quietos a este respecto”.
Suárez Barcia asinou “unha serie de decretos que recibirán nos vindeiros días os vendedores ambulantes que se instalan no mercado de Ribadeo. Ese decreto renóvalles a aqueles que teñen presentada a documentación completa correspondente ao 2009, renóvalles a autorización administrativa para seguir montando no mercado semanal. Dito decreto pídelles documentación aos que a teñen incompleta para que poidan subsanala e así operar no mercado de Ribadeo neste ano e hai unha parte que é a máis importante á que segundo o artigo 23 da ordenanza vixente se lle abre un expediente contraditorio con carácter previo por incumprimento de obrigas, fundamentalmente de pagos, o que daría lugar se non actualizan as débedas co Concello á extinción da autorización administrativa para poderse instalar en Ribadeo durante o 2009”.
O rexedor engade que “se abrirá un período de tempo, quince días a partires da recepción dos decretos, para que poidan presentar alegacións, pero se non satisfan as débedas pendentes, segundo a ordenanza, non se poderán instalar durante este 2009 e non se lles renovará a autorización por un período de tempo importante”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
