BURELA .- A programación do entroido de Burela que foi presentada esta mañá pola concelleira de Cultura, Neves Cando, da comezo o venres 20 de febreiro coa cea-baile que organiza a Sociedade Cultural Ledicia e que estará amenizada polo grupo La Clave na antiga praza de abastos. O sábado 21 estará adicado aos nenos e así na Praza da Mariña poderán gozar dun espectáculo de xogos, música e diversión a partires das doce da mañá e o domingo terán festa infantil de disfraces, organizada polos alumnos de 6º de primaria do colexio Vista Alegre. Os maiores tamén terá a súa festa ese día (o domingo) a partires das sete na antiga praza de abastos.
Xa o luns 23 de febreiro de 21:00 a 23:00 horas cinco charangas amenizarán coa súa música as rúas de Burela e ao remate haberá verbena na carpa instalada na Praza da Mariña que estará amenizada pola orquestra Abanico.
Día grande
O martes 24 de febreiro terá lugar o desfile de entroido a partires das 17:30 horas que sairá da rúa Ril e rematará na Praza da Mariña. Segundo explica Neves Cando “repartiremos 3.000 euros en premios ás mellores carrozas, grupos, parellas e individuais tanto para nenos como para adultos. O ano pasado participaron 2 carrozas, 20 grupos, 17 parellas e 40 persoas a título individual e agardamos que este ano se consolide e se incremente esa participación”. Despois do desfile haberá de novo verbena na Praza da Mariña a cargo da orquestra Cinema.
E o mércores terá lugar o enterro da sardiña a partires das 20:30 horas “un clásico en Burela que partirá do Campón e rematará na praia do Portelo co pregón de Xosé Lois López Rábade”. Neves Cando agarda “que todos estes actos sexan do gusto dos nosos veciños e veciñas e convidámolos a participar e a botarse a rúa todos estes días para gozar do ambiente do entroido de Burela”.
Neves Cando agradece “a participación de todas as asociacións, colectivos e empresas que colaboraron coas concellarías de Cultura e Turismo no deseño, realización e posta en marcha de todos estes actos de entroido”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
