NOTA DE PRENSA (FNC)
O BNG CREARÁ NA VINDEIRA LEXISLATURA O SUBSIDIO DE PARO AUTONÓMICO COMPLEMENTARIO DO QUE SE PODERÁN BENEFICIAR 60.000 PERSOAS DAS QUE 42.000 SERÁN MULLERES.
Ribadeo, 5 de febreiro de 2009. No encontro sectorial con mulleres celebrado esta tarde en Ribadeo, o nº 3 da candidatura do BNG por Lugo, Manuel Parga, puxo de manifesto que “cando chegamos ao goberno galego o compromiso foi traballar polas efectivas políticas de igualdade entre homes de mulleres e así se constituiu unha área moi importante que foi a Vicepresidencia da Igualdade e do Benestar para facer reales e efectivos eses compromisos”. Parga destacou “as dificultades das mulleres para incorporarse ao mundo do traballo. Temos que ter en conta que a taxa de emprego feminino está no 58’4%, mentras que a media atópase no 65’3% e a taxa de paro das mulleres está 11 puntos por enriba da dos homes”.
Manuel Parga, Dores Fernández e Sandra Acebrás destacaron algunhas das medidas postas en marcha desde o Goberno galego “coma a lei de servizos sociais que foi aprobada por unanimidade ou a creación do sistema galego de benestar porque as grandes beneficiarias de todos os servizos que se crearon para as persoas maiores e para as idades infantís foron as mulleres. Das 1.600 prazas de traballo que se crearon coa posta en marcha de 57 centros de día e das galescolas o 94% foron para as mulleres”. Os nacionalistas tamén fixeron fincapé neste encontro mantido con mulleres en Ribadeo “no complemento das pensións non contributivas xa que o 70% delas foron para as mulleres. E na vindeira lexislatura queremos poñer en marcha o subsidio de paro autonómico complementario para a xente que desgraciadamente cada vez está máis no paro e que afecta en maior medida ás mulleres. Pois ben das 60.000 persoas que poderán percibir este subsidio 42.000 serán mulleres”.
Dores Fernández sinalou que “desde o BNG tamén traballamos pola corresponsabilidade sendo conscientes de que ese é un dos eixos para avanzar e tamén desde o ámbito de fomentar o emprego feminino e a igualdade efectiva dentro do mundo laboral. Queremos avanzar máis consolidando toda esta rede de servizos sociais e de escolas infantís para que cheguen ás vilas e tamén ao medio rural. E quero lembrar que tamén traballamos contra esa grande lacra que é a violencia machista aprobando no parlamento a lei integral contra a violencia de xénero e puxemos en marcha do salario da liberdade e a posibilidade de acceder a unha vivienda de protección en situación de prioridade”. Pola súa banda, Sandra Acebrás suliñou que “nesta lexislatura se multiplicaron por cinco as axudas no fogar”.
Manuel Parga considera que “tres anos e medio foron insuficientes para o que se precisa avanzar no eido da igualdade e se completamos toda esa rede de servizos sociais e de galescolas nos vindeiros anos poderíanse crear 8.000 novos postos de traballo dos 5.000 serían para as mulleres. Os nacionalistas queremos acadar máis forza nas vindeiras eleccións do mes de marzo e polo tanto máis presenza e máis liderazgo no novo goberno galego”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
