Nota de Prensa
O BNG PIDE UN MAIOR CONTROL DOS CARTOS PÚBLICOS EN BARREIROS E UNHA MELLOR ORGANIZACIÓN DOS RECURSOS HUMÁNS.
Barreiros, 6 de febreiro de 2009. O BNG de Barreiros pide un maior control dos cartos públicos e unha mellor organización dos recursos humáns para prestar un servizos de calidade “e que se garantan os dereitos dos traballadores”. O voceiro nacionalista, Antonio Veiga, di que “xa son algo habitual os reparos que fai intervención do Concello de Barreiros a determinadas acción do equipo de goberno. Hai reparos ao aboamento das nóminas dos traballadores do Concello por un caso moi simple e fácil de entender… estánse pagando como productividade nesas nóminas o que son horas extras e desprazamentos. Son conceptos totalmente distintos porque non é o mesmo cotizar por horas extra a efectos da Seguridade Social que facelo por productividade. E incluso chega a haber traballadores no Concello de Barreiros que traballan 224 horas ao mes cando a media é de 150 horas e hainos incluso que non teñen descanso semanal tal e como aparece reflexado nos seus partes de traballo do 1 ao 31 do mes de xeito ininterrumpido”.
Veiga Outeiro engade que “no 2008 intervención realizou 32 reparos de legalidade. Desde o BNG entendemos que no Concello de Barreiros non se están rentabilizando os recursos humáns que se teñen, chega a haber contratados ao longo do ano 100 operarios e 100 operararios nunha poboación de 3.000 habitantes e nun concello de 72 kilómetros cadrados ben rentabilizados entendemos que podían dar un servizo moi eficiente. Nós non estamos a culpar aos traballadores desta situación, é máis hai que defender os dereitos dos traballadores por enriba de todo, pero o que estamos a ver é que no Concello esta mala organización dos recursos humáns repítese”. Aos nacionalistas chócalles “cómo non vai haber unha mala organización si ata a propia nómina do concelleiro de Obras foi reparada por intervención porque non se especifica o destino nin o motivo das viaxes que realiza. Desde o BNG somos moi escrupulosos cando se trata de cartos públicos, nós non desconfiamos de que non traballe este concelleiro, pero todos os veciños e os grupos da oposición teñen dereito a saber a onde vai, qué viaxes fixo e con qué motivo”.
Antonio Veiga sinala que “si a propia nómina do concelleiro de Obras conta con reparos de legalidade como non o van estar as doutros traballadores”. O BNG pide “máis control dos cartos públicos e unha mellor organización dos recursos para que sexan máis eficientes e para prestar uns servizos de calidade e con rapidez e que se garantan os dereitos dos traballadores”. O voceiro do BNG en Barreiros di que “chócanos moito que esto ocorra durante o ano 2008 cando hai un concelleiro de Obras con adicación exclusiva e cando temos un concelleiro de Economía e Facenda que ía levar persoal e que ía facer unha reestructuración do personal, pero estamos peor que cando un só alcalde levaba todas as competencias. Algo está a ocurrir en Barreiros e queremos que esto se solucione”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
