BURELA .- O delegado provincial de Consellería de Vivenda e Solo, Cosme Eladio Pombo, entregou esta mañá as vivendas protexidas de promoción pública, situadas na rúa Luís Seoane. En concreto entrega as chaves e as escrituras de 26 vivendas dunha promoción de 32 nas que este departamento autonómico fixo un investimento de 2.188.200 euros. Do total de vivendas entregas hoxe, 20 foron en réxime de aluguer e as outras 6 en compravenda.
As outras 6 vivendas, que inicialmente quedaron vacantes, serán adxudicadas en breve e unha vez rematado o procedemento serán entregadas aos seus adxudicatarios.
Nota de Prensa
A CONSELLERÍA DE VIVENDA E SOLO ENTREGA AS VIVENDAS DE PROMOCIÓN PÚBLICA DE BURELA NAS QUE INVESTIU 2,1 M. €
? O delegado provincial, Cosme E. Pombo, fai entrega das chaves de 26 vivendas dun total de 32 situadas na rúa Luís Seoane. As outras 6 vivendas serán adxudicadas en breve
? Tamén visita as obras de mellora das rúas José M. González Río e José Mariño Ben nas que este Departamento autonómico fixo un investimento de 59.938 €
Santiago de Compostela, 2 febreiro 2009.- O delegado provincial de Consellería de Vivenda e Solo, Cosme Eladio Pombo, fai entrega esta mañá das vivendas protexidas de promoción pública de Burela, situadas na rúa Luís Seoane. En concreto entrega as chaves e as escrituras de 26 vivendas dunha promoción de 32 nas que este Departamento autonómico fixo un investimento de 2.188.200 €. Do total de vivendas entregas hoxe, 20 foron en réxime de aluguer e as outras 6 en compravenda.
As outras 6 vivendas, que inicialmente quedaron vacantes, serán adxudicadas en breve e unha vez rematado o procedemento serán entregadas aos seus adxudicatarios.
Nesta promoción de 32 vivendas protexidas de promoción pública (VPP) hai 4 vivendas de dous dormitorios que teñen unha superficie útil de 65 metros cadrados e outras 28 vivendas teñen tres dormitorios e 83 metros cadrados útiles.
As vivendas protexidas de promoción pública (VPP) van dirixas a persoas, familias ou unidades convivenciais cuns ingresos ponderados anuais de entre 0,7 e 2,5 veces o Indicador Público de Rendas de Efectos Múltiples (IPREM), é dicir, entre 4.900 € e 17.500 € aproximadamente. Estas vivendas entréganse en réxime de aluguer cando os adxudicatarios teñen uns ingresos ponderados anuais de ata 1,5 IPREM, é dicir, ata 10.500 € aproximadamente, e en réxime de compravenda cando ingresan entre 1,5 e 2,5 IPREM, é dicir entre 10.500 e 17.500 € anuais.
Mellora de espazos públicos
O delgado provincial tamén visita as obras de mellora executadas nas rúas José M. González Río e José Mariño Ben no entorno das antigas vivendas de promoción pública de Burela, nas que este Departamento autonómico investiu 59.938 €. As obras consistiron no levantamento das beirarrúas, a instalación de canalizacións para o alumeado público, aplicación dun novo pavimento e dotación de mobiliario urbano.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
