CERVO .- O Concello de Cervo fará entrega de preto de 3.000 euros en premios a repartir entre as distintas categorías para aquelas persoas que desexen participar a título individual, como grupo ou comparsa no desfile de Entroido de San Ciprián que terá lugar o martes 24 de febreiro. Os premios inclúen desde diñeiro en metálico ata a tradicional cesta de Entroido que recibirán todos aqueles que se inscriban antes do 20 de febreiro na Casa da Cultura para participar no desfile.
O punto de partida será unha vez máis o Pavillón Polideportivo Municipal da Veiga onde dará inicio un percorrido polas principais rúas de San Cibrao que rematará na Casa da Cultura. Neste momento está previsto a entrega dos premios das categorías infantís e xuvenís, previa deliberación do xurado e non será ata a noite, no baile de disfraces que comezará as 12 horas na Discoteca Pasos, cando teña lugar a entrega dos premios en metálico das categorías de adultos. A cita estará amenizada polo baile e a música a cargo da orquestra Los Españoles.
PREMIOS EN METÁLICO
Segundo explicou concelleira de Cultura do Concello de Cervo, Chelo Gallego o reparto dos premios en metálico se efectuará do seguinte xeito:
Individual:
1º Clasificado: 60 €
2º Clasificado: 40 €
Parellas:
1º Clasificado: 120 €
2º Clasificado: 80 €
Grupos:
1º Clasificado: 200 €
2º Clasificado: 120 €
Comparsa infantil-xuvenil:
1º Clasificado: 250 €
2º Clasificado: 120 €
Comparsa adultos:
1º Clasificado: 500 €
2º Clasificado: 300 €
PREMIO ESPECIAL PARA OS ESTUDANTES DO INSTITUTO
Por segundo ano consecutivo, a asociación cultural A Sombriza -que xunto ao Centro de Iniciativas Turísticas, a asociación de Mulleres de San Ciprián e as ANPAS dos dous colexios da localidade, colabora na organización desta actividade- ofrecerá un premio especial de 150 € para aqueles grupos ou comparsas que estean compostos por alumnos do Instituto Marqués de Sargadelos e que, a xuízo do xurado, dispoñan dos disfraz máis orixinal.
AMPLIADO O PRAZO DE INSCRICIÓN
Como novidade principal este ano aquelas persoas ou grupos interesados poderán inscribirse para participar no desfile e optar ao premio da súa categoría ata o propio día da festividade local do Entroido. Eso si aqueles que opten por inscribirse o luns 23 de febreiro e o propio martes 24 de 15.30 a 16.30 horas na oficina habilitada ao efecto no Pavillón Polideportivo Municipal non terán dereito a recibir a tradicional cesta de agasallos que si recibirán aqueles que, máis apurados, fixeran efectiva a súa inscrición antes de venres 20 de febreiro –este inclusive- na Casa da Cultura.
O Entroido de San Ciprián xunto cos seus homólogos de Cervo e San Román contan coa colaboración do Concello de Cervo tanto na súa organización como no financiamento dos premios.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
