BARREIROS (FNC) .- O alcalde de Barreiros, Alfonso Fuente, ven de anunciar que asinará o convenio que lle remitiu hai uns días a Consellería de Política Territorial para tentar desbloquear a parálise urbanística que sofre o concello. Fuente Parga sinala que “despois de falar cos xuristas do Concello e de revisar ese convenio presentado por Política Territorial e despois de cruzar hoxe mesmo unhas palabras co presidente da Deputación de Lugo, nós cremos que pode e que vai ser oportuno asinar este documento porque cremos que a intención de Política Territorial é a de solucionar o problema este. Están na boa liña, é dicir, a conselleira está moi involucrada con este tema e con ganas de resolver todo este problema que se creou en Barreiros e o Concello, como non podía ser doutro xeito, tamén está na mesma liñaa e entón a día de hoxe o único que está pendente é poñer o día para firmar cando a conselleira e o presidente da Deputación teñan un oco nas súas axendas”.
O rexedor barreirense cre que “a disposición e o acordo é total e só queda que nos poñamos a traballar todos. Estamos agora tres administracións que temos unha responsabilidade que asumimos con ese convenio e a traballar. As dúbidas que eu tiña fundadas pois quedaron despexadas e creo que a Consellería de Política Territorial neste caso está na boa liña, nun senso positivo para que a actividade económica de Barreiros destas obras tire para adiante en base a garantir servizos evidentemente, e nese sentido é no que vamos traballar”.
Expedientes administrativos
Alfonso Fuente asegura que “ese convenio recolle unha serie de compromisos. O Concello fará unha análise da situación previa ó Plan Xeral e ese documento consensuado con Política Territorial será o que máis adiante poderá legalizar esas obras ou retirar eses expedientes administrativos”. O alcalde engade que “é un documento de intencións para poñernos a traballar nesa liñaa e espero que en breve vexamos os seus frutos. Eu quería saber cal era a intención das administracións asinantes e creo que é boa, hai boa actitude por parte da Consellería e por eso tiramos para adiante porque cremos que pode ser unha solución”.
O compromiso do Concello coa firma deste convenio pasa por realizar ese informe previo “e por adxudicar, contratar ou licitar o Plan Xeral antes de abril. Hai uns prazos que traballaremos arreo para cumprilos conscientes de que evidentemente partimos con que é pouco probable que se poida cumprir ter aprobado o Plan Xeral en 14 meses. Estamos vendo que hai concellos que levan algún ano na elaboración destes plans, pero si partimos de 14 meses e o conseguimos en dous anos pois benvido sexa”. O alcalde segue a contar que “Política Territorial se pon a disposición do Concello para colaborar na redacción destes documentos e se compromete a modificar o decreto de suspensión si o Plan Xeral está dentro da lei do solo. E pola súa banda a Deputación Provincial ofrece asesoramento xurídico e técnico consciente das limitacións que poida ter o Concello de Barreiros e tamén se compromete a que os plans provinciais de obras vaian dirixidos a conseguir esa carencia de servizos que poida existir nalgún punto”.
Alfonso Fuente manifesta que “despois das conversas que mantiven onte e hoxe creo que é un paso importante para desbloquear isto. Xa dixen moitas veces que falando enténdese a xente, chegamos a acordos e para adiante”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
