RIBADEO (FNC) .- Ribadeo acollerá o vindeiro sábado 17 de xaneiro a estrea oficial da película Os mortos van á presa que dirixiu Angel de la Cruz e que se rodou en Rinlo, A Devesa e tamén na vila ribadense. O alcalde, Fernando Suárez, sinala que “Ribadeo será o sábado centro de atención mediática de especial interSE e relevancia pola estrea mundial (por dicilo dalgún xeito) da película filmada no noso concello e singularmente en Rinlo e A Devesa. Quero coma alcalde e no nome de toda a Corporación Municipal dalas grazas ao equipo director, ao equipo técnico, á produtora, á distribuidora… desta película por teren en conta a Ribadeo para facer esta estrea oficial. Isto supón un plus de publicidade de cara ao turismo, de cara a coñecer Ribadeo moi lonxe de aquí. Desde logo que isto vale máis que unha campaña publicitaria que coste moito diñeiro. E nós volcámonos na medida das nosas posibilidade coa organización dos actos que se desenvolverán o sábado”.
A xornada comezará ás 11:00 na Casa do Concello coa benvida que o alcalde, Fernando Suárez, e o resto da Corporación lle darán ao equipo técnico e artístico da película. Despois ás 12:00 no Auditorio Municipal Hernán Naval terá lugar a proxección do tráiler, do libro-guión da película e do CD coa BSO. Haberá a interpretación de dúas pezas desa banda sonora orixinal a cargo da Banda Sinfónica Municipal de Ribadeo e a proxección de imaxes do filme. O alcalde, Fernando Suárez, asegura que se trata “dunha das poucas películas ou casi a única na que a súa banda sonora está interpretada por unha banda de música. É un éxito moi importante para a nosa Banda Sinfónica Municipal. A entrada a este acto é libre e xa aproveito para convidar aos extras que participaron na película e ao público en xeral para que acudan o sábado pola mañá ao Auditorio Municipal de Ribadeo”.
Ás 14:00 horas o equipo técnico e artístico trasladarase a Rinlo, onde se vai celebrar unha comida en diversas localizacións á que asistirán persoas convidadas pola propia produtora de Os mortos van á presa. E ás 16:30 terá lugar tamén en Rinlo un café con gotas na escola vella que o director, os actores e o resto do equipo queren compartir co pobo de Rinlo en recoñecemento e agradecemento á acollida que lles brindaron durante os meses de rodaxe da película.
Xa a partires das 19:00 horas terá lugar no Cine Teatro de Ribadeo a estrea oficial de Os mortes van á presa. Para esa hora está prevista a chegada dos convidados e ás 19:30 terán lugar os discursos que pronunciarán o alcalde, Fernando Suárez; o director da película, Angel de la Cruz e o Secretario Xeral de Comunicación da Xunta, Fernando Salgado. Ás 20:00 horas será a proxección da cinta que protagonizan, entre outros, Neus Asensi, Manuel Manquiña, Antonio Durán Morris, María Castro… E ás 22:00 horas nun coñecido pub ribadense haberá un cóctel-queimada de despedida no que varios actores da película lerán o conxuro da queimada pola boa saúde do cine galego.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
