NOTA DE PRENSA
OS POPULARES DISTRIBUIRÁN UN BOLETÍN QUE BAIXO O TÍTULO “CATRO ANOS PERDIDOS PARA A MARIÑA LUCENSE” ANALIZA A XESTIÓN DO GOBERNO BIPARTITO NA XUNTA
* Centra a súa análise en catro asuntos principais: o desplome nos investimentos da Xunta na nosa comarca, o deterioro do sistema público de saúde, a destrución de empregos e o retroceso en política de benestar social.
A Mariña, 23 de xaneiro de 2008.- O Partido Popular da Mariña distribuirá 40.000 exemplares dun boletín informativo polos distintos fogares dos quince concellos da nosa comarca. Baixo o título xenérico “catro anos perdidos para A Mariña lucense” os populares fan unha análise da xestión do Goberno bipartito de Galicia (PSOE+BNG) ao longo da lexislatura que remata. O documento será presentado na tarde de hoxe polo deputado popular no Parlamento galego José Manuel Balseiro Orol, acompañado de alcaldes e portavoces locais desta formación política.
INVESTIMENTOS, SANIDADE, DESEMPREGO E POLÍTICA SOCIAL
O novo boletín estrutúrase en base a catro áreas de estudo: O desplome nos investimentos da Xunta na nosa comarca -que veñen diminuíndo ano tras ano-, o deterioro do sistema público de saúde, a destrución de empregos e o retroceso en materia de política social e benestar. Todas estas cuestións arroxan un resultado negativo despois de catro anos de xestión gobernamental conxunta de PSOE e BNG e demostran que o proxecto do bipartito está esgotado.
DESPLOME DOS INVESTIMENTOS
Establecendo unha comparativa dos datos contidos nos orzamentos da Xunta das ´cinco últimas anualidades o PP subliña varios aspectos: No que levamos de lexislatura o bipartito reduciu á metade o investimento na nosa comarca, xa que mentres no 2005 a Xunta investía 400 € por cada mariñán, hoxe tan só achega 199 € por habitante. A maiores disto, lonxe do que debera ser un comportamento normal, o Goberno bipartito vén diminuíndo ano tras ano, as partidas para obras e servizos a levar adiante na nosa comarca. O PP certifica tamén os incumprimentos do bipartito (corredor, hospital, polígonos industriais, pesca,…) e o baixo grado de execución dos orzamentos de PSOE e BNG que non cumpren co comprometido.
DETERIORO DO SISTEMA PÚBLICO DE SAÚDE
No ámbito da sanidade, o boletín subliña un feito inaudito: Por primeira vez na historia, como consecuencia da mala xestión da Xunta, existen listas de espera nos centros de saúde de atención primaria, tanto para acceder á consulta cos médicos de cabeceira como para a prescrición de receitas. O deterioro do sistema público de saúde ten a súa manifestación máis explícita no que está a acontecer no Hospital da Costa. PSOE e BNG negan a necesaria ampliación da estrutura e da oferta asistencial do centro, impiden que se lle dote dunha resonancia magnética permanente e non permiten que se elabore unha auditoria sobre os tempos de demora que se rexistran para o acceso ás consultas dos especialistas ou para as intervencións cirúrxicas. O boletín conten unha comparativa da evolución das listas de espera tanto nestes últimos meses como respecto do 2005, empregando para elo os datos oficiais que o propio SERGAS publica na súa páxina web. Alerta tamén sobre dúas prácticas na positivas para os doentes, a cancelación masiva das citacións do hospital sen ofrecer data alternativa para a consulta -o coñecido como axendas pechadas- e o rexeitamento do novo número centralizado para solicitar cita co médico, que por ser un teléfono de tarificación especial supón un sobrecuste para moitos usuarios.
BIPARTITO= DESEMPREGO E DESPROTECCIÓN
Por outra banda, o exemplar que chegará aos fogares mariñáns establece unha dobre comparación: “Bibartito é igual a desemprego e desprotección”:
No referente á destrución de postos de traballo o boletín alerta ante o grave ritmo acadado pola alza do paro, máis de 15 desempregados ao día na Mariña durante os últimos meses de 2008. Persoas que pasaron a engrosar a lista do INEM procedentes de todos os sectores produtivos. A Xunta prometeu acadar 30.000 novos postos de traballo o ano pasado e, pola contra, o 2008 rematou con 35.000 desempregados máis ca no ano anterior. “Unha sangría que parece non ter fin e uns datos, moito por riba da media de destrución de emprego no conxunto da provincia”.
A política social non é, lonxe da propaganda, unha prioridade para o bipartito. Este feito aparece reflectido no boletín que recolle dúas ideas nas que veñen insistindo desde o PP comarcal: Hoxe hai máis mariñáns que faleceron á esperara de cobrar as axudas que lles correspondían pola Lei de Dependencia que veciños desta comarca recibíndoas. Ademais diso, nestes catro anos non se levou adiante a apertura de novos centros de día e residencias para persoas maiores.
EN POSITIVO
Finalmente o PP comarcal empraza aos veciños da Mariña a dicir “adeus ao bipartito” pois, na súa opinión, “son moitas as razóns para reclamar un cambio a mellor”. Precisamente cada veciño pode ser protagonista deste xiro en positivo xa que ten “moito que decidir sobre o futuro da nosa comarca”. Convida tamén o boletín popular a visitar as páxinas web con información habitilatas polo propio partido: www.recargandogalicia.com e www.ppdegalicia.com
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
