NOTA DE PRENSA
Balseiro empraza á Xunta de Galicia a que explique cal é o motivo polo que non entrou en funcionamento o grupo electróxeno do que debe dispoñerse en perfecto estado de uso neste tipo de instalacións
O PP DENUNCIA QUE A RESIDENCIA DE PERSOAIS MAIORES DE BURELA ESTIVO 40 HORAS SEN SUBMINISTRO ELÉCTRICO
* Despois de ter investidos preto dun millón de euros para a remodelación deste centro acumúlanse as deficiencias: falta de ramplas, aseos non adaptados, ascensores sen o espazo suficiente para introducir padiolas, portas sen as dimensións correctas,… “as obras non foron máis que un lavado de cara propagandístico e nada efectivo”.
* Balseiro Orol acusa ao departamento que dirixe o nacionalista Anxo Quintana de ter enganado aos mariñáns cando anunciou que o centro disporía de prazas para persoas dependentes e subliña que as deficiencias existentes fan imposible atender a anciáns con problemas de mobilidade.
* “Esta é unha boa mostra do falsas que son as supostas melloras anunciadas polo deputado Parga Núñez en materia de servizos e equipamentos de interese social. Todo mentira como podemos comprobar a día de hoxe” – conclúe Balseiro Orol
A Mariña, 28 de xaneiro de 2008.- A residencia de persoas maiores de Burela permaneceu varios día sen luz como consecuencia da interrupción do subministro eléctrico que afectou a esta localidade tras o temporal do pasado fin de semana. Lonxe do que sería lóxico nun servizo destas características non se dispuxo dun equipo electróxeno capaz de garantir o subministro de luz e, en consecuencia o funcionamento normal deste centro viuse notablemente afectado. Así o denuncia o Partido Popular de Galicia, a través do seu deputado José Manuel Balseiro Orol quen explica que de xeito aproximado a falta de subministro eléctrico prolongouse desde as 21 horas do venres 23 de xaneiro ata as 15.30 horas do domingo 25. Isto é, durante un tempo excesivo superior ás 40 horas.
GRUPO ELECTRÓXENO
Balseiro Orol empraza á Vicepresidencia da Xunta de Galicia a que explique cal é o motivo polo que non entrou en servizo o grupo electróxeno do que deberan dispoñer en perfecto estado de uso neste tipo de instalacións, e, no seu caso, as circunstancias polas que non se alugou un aparato xerador de electricidade tendo en conta o prolongado do corte de subministro.
UNHA SITUACIÓN INACEPTABLE EN PLENO SÉCULO XXI
O deputado popular sinala os graves prexuízos que esta situación puido ter provocado de ser necesario unha evacuación: Sen luz os ascensores non funcionaban, a carencia de ramplas dificultaría o auxilio ás persoas con mobilidade reducida e ademais, en todo caso, dificultaría o traslado dos residentes, todos eles persoas maiores. A isto debemos engadir os prexuízos ocasionados a aqueles anciáns que precisan oxíxeno ou que están conectados algún tipo de máquina para facilitar a súa respiración, aparataxe que a súa vez necesita de electricidade para funcionar. En resume “unha situación inaceptable en pleno século XXI”
UN MILLÓN DE EUROS NUNHA OBRA CHEA DE DEFICIENCIAS
O deputado popular non comprende como é posible que despois de gastarse preto dun millón de euros nas obras de mellora deste centro existan este tipo de carencias en equipos de primeira necesidade tal e como demostra a situación acontecida o pasado fin de semana.
Pero aquí non remata a lista de deficiencias desta residencia. O Grupo Parlamentario Popular xa denunciou no seu día que as obras que executou a Vicepresidencia no centro non eran máis ca un “lavado de cara, con moito interese propagandístico pero de mínima efectividade práctica”. A relación das principais eivas é interminable e inclúe: carencia de ramplas para facilitar a mobilidade dos residentes, ascensores sen as dimensións suficientes para que poida entrar unha padiola, portas das habitacións e mobiliario non adaptado para persoas non mobilidade reducida, ou aseos non adaptados para persoas maiores o con dificultades motoras, entre outros.
ANXO QUINTANA MENTIU
Todo este tipo de cuestións serven ao deputado popular para acusar ao responsable do departamento autonómico de benestar, o nacionalista de Anxo Quintana de mentir aos veciños da Mariña con ocasión da súa visita á nosa comarca. “Resulta máis que evidente que unha vez rematadas as obras a residencia non está habilitada para ofrecer prazas para persoas dependentes, resulta máis que evidente, polo tanto que o Sr Quintana mentiu”. Ao mesmo tempo sinala que “o acontecido nestes días e as deficiencias decritas son unha boa mostra do irreal das supostas melloras anunciadas polo deputado Parga Núñez en materia de servizos e equipamentos de interese social. Todo mentira como podemos ver” – conclúe Balseiro”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
