CERVO .- O conselleiro de Innovación e Industria, Fernando Blanco, acompañado do alcalde de Cervo, Alfoso Villares, inaugurou esta mañá no concello lugués de Cervo a nova rede de telecomunicacións sen fíos do polígono industrial de Cuíña. Estas instalacións, desenvoltas con tecnoloxía Wimax, ofrecen cobertura de banda larga de calidade ás empresas localizadas no polígono e supuxeron un investimento por parte do departamento de Fernando Blanco de 71.200 euros.
————————–
Nota de Prensa do Concello de Cervo
O Alcalde de Cervo, xunto con outros membros do Goberno municipal acompañou ao Conselleiro de Innovación e Industria no acto inaugural da torreta que incorpora o equipamento coa tecnoloxía necesaria para dar servizo a esta nova rede de comunicacións sen fios
O CONCELLO DE CERVO PROMOVEU O ACCESO SEN FIOS A INTERNET DE BANDA LARGA NO PARQUE EMPRESARIAL DE CUIÑA
* O Concello de Cervo cedeu de balde un terreo de 28 metros cadrados contigou á nave de obras municipal para a instalación da nova torreta así como renunciou a calquera tributo que puidera derivarse do desenvolvemento das obras de instalación deste equipamento.
* A iniciativa enmárcase no acordo de colaboración asinado o pasado 18 de xuño entre o Concello de Cervo e a Consellería de Innovación e Industria para o desenvolvemento de novas redes de telecomunicacións, tras solicitar o Goberno municipal a subvención correspondente.
* O Alcalde de Cervo, Alfonso Villares, salienta que os novos retos “para os que nos gustaría contar coa colaboración e compresión da Xunta de Galicia como é o impulso do cinto industrial no contorno de Alcoa”
Cervo, 07 de xaneiro de 2008.- O Parque empresarial de Cuiña disporá de teconoloxía sen fios para acceso a internet de banda larga, novo servizo do que poderán beneficiarse todas as empresas alí situadas ou aquelas que no futuro poidan instalarse nesta área industrial do municipio. O Alcalde de Cervo, Alfonso Villares, acompañado do edil Antonio Basanta participou xunto co Conselleiro de Innovación e Industria, Fernando Blanco, no acto inaugural da torreta que, situada nun terreo contiguo a nave de obras municipal, foi cedido ao efecto polo Concello de Cervo para que puidera instalarse nel a tecnoloxía necesaria para albergar esta nova rede de comunicacións.
A devandita infraestura é posible grazas grazas as xestións desenvolvidas polo Concello de Cervo que se acolleu a unha liña de axudas que concede a Consellería de Innovación e Industria para o desenvolvemento das redes de comunicación nos polígonos industriais. Para formalizar este compromiso ambas institucións asinaron un convenio de colaboración con data 18 de xuño de 2008 polo que o Concello de Cervo comprometíase a cesión gratuíta dun terreo de 28 metros cadrados para albergar a devandita torre de comunicacións e xunto a iso renunciaba aos ingresos tributarios derivados do desenvolvemento de ditas obras.
SERVIZOS PIONEIROS
As empresas do polígono industrial da Cuiña se están a caracterizar polo seu grande compromiso coas melloras técnicas e coa posta en marcha de recursos adicados ás novas tecnoloxías de I+D+i. Este novo servizo Wimax permitirá aos seus usuarios acceder a internet de banga larga co seus equipos de sobremesa, portátiles ou axendas electrónicas, sen necesidad de dispoñer de ningún tipo de fio e a unha velocidade de conexión e recepción de datos moi superior ás das redes WiFi convencionais.
O rexedor cervense subliñou a importancia de contar con este novo servizo toda vez que se está a producir unha clara evolución do mercado “As empresas demandan cada vez con máis asiduidade estes servizos de mobilidade, que permiten o acceso a Internet e ás redes LAN en calquera lugar e en calquera momento”. Ao mesmo tempo subliñou que ofrecendo este tipo de melloras e avances tecnolóxicos é posible potenciar o asentamento de novas empresas que poderían instalarse en Cuiña, “dando pé a novas oportunidades laborais e maior riqueza”. Neste mesmo senso subliñou que desde que o Goberno do Partido Popular accedeu ao Concello “incrementamos os servizos ofrecidos no polígono e a propia oferta de solo industrial, sempre coa colaboración das administracións competentes. Hoxe tamén ofrecemos unha mellor cobertura de Internet en todo o polígono, solventando unhas das principais deficiencias que presentan este tipo de áreas empresariais”.
CINTO INDUSTRIAL DE ALCOA
Por outra banda, o Alcalde de Cervo Alfonso Villares aproveitou a visita do Conselleiro de Innovación e Industria para subliñar aqueles retos de futuro nos que “precisaríamos contar coa colaboración e comprensión da Xunta de Galicia”. Neste senso subliñou que o Goberno galego non pode renunciar a posta en marcha do novo cinto industrial no contorno de ALCOA tal e como fixo o ano pasado tras deixar sen efecto o plan sectorial que o incluía. “Todas as administracións deben implicarse na tarefa de achegar novas empresas e crear novos postos de traballo. Nada mellor que facelo impulsando de xeito decidido esta nova área industrial no contorno dunha das multinacionais máis importantes do aluminio e verdadeiro motor económico da nosa comarca”.
Villares explicou que a creación do Polígono Industrial de Cuiña non estivo exento de polémica polo seu emprazamento -próximo á area de crecemento de San Ciprián- pero situado nun espazo céntrico entre esta poboación e a veciña vila de Burela, entonces integrada no municipio cervenese. En todo caso o Goberno municipal do Partido Popular impulsou o achegamento de novas empresas, como as piscifactorías e reactivou unha área industrial ata o momento infrautilizada. Hoxe o reto do futuro está no cinto do contorno de Alcoa, por ser un emprazamento ben comunicado, ideal para albergar grandes empresas cun mínimo impacto ambiental e próximo ao dique norte de Morás, que aspira a converterse nun novo porto comercial aberto ao tráfico xeral”
——————————-
Información da Concellería de Innovación e Industria
Fernando Blanco inaugura en Cervo a nova rede de telecomunicacións sen fíos do polígono industrial de Cuíña
A Consellería de Innovación e Industria desenvolveu unha instalación con tecnoloxía Wimax que dará cobertura de banda larga ás empresas localizadas no polígono e ás súas zonas estremeiras
O investimento destinado á nova infraestrutura, que inclúe unha torre de telecomunicacións e dúas antenas, ascende a 71.200 euros
O departamento de Fernando Blanco desenvolve infraestruturas similares en 32 polígonos do país cun investimento global de preto de 5 millóns de euros
Cervo, 7 de xaneiro de 2009. O conselleiro de Innovación e Industria, Fernando Blanco, inaugurou esta mañá no concello lugués de Cervo a nova rede de telecomunicacións sen fíos do polígono industrial de Cuíña. Estas instalacións, desenvoltas con tecnoloxía Wimax, ofrecen cobertura de banda larga de calidade ás empresas localizadas no polígono e supuxeron un investimento por parte do departamento de Fernando Blanco de 71.200 euros.
O conselleiro de Innovación e Industria considerou que a nova infraestrutura representa unha boa contribución para mellorar a actividade das empresas do parque de Cuíña e a súa capacidade de atracción empresarial. Hoxe en día, a xuízo de Fernando Blanco, a dispoñibilidade de conexión a internet por parte do sector empresarial é imprescindible para que poidan manter a súa competitividade produtiva e de servizos. No entanto, segundo explicou o titular nacionalista, aínda hoxe, cando xa todos os novos polígonos contemplan o servizo de banda larga dende a súa construción, unha parte dos existentes ou ben carecen del ou ben é deficiente.
Esta carencia é a que a Consellería de Innovación e Industria está a suplir coa instalación de sistemas de telecomunicacións sen fíos en 32 polígonos do país, cun investimento de preto de 5 millóns de euros e cos que se consegue dotar de banda larga de calidade o 92% dos parques empresariais existentes. Fernando Blanco avanzou que están rematados os equipamentos nos 12 primeiros parques contemplados, para implantárense de xeito progresivo os restantes 20 até o 15 de xuño, cando se conclúe a totalidade. Esta iniciativa, que se completará este mesmo ano co obxectivo de conectar o 100% dos polígonos, enmárcase no Plano Estratéxico Galego da Sociedade da Información posto en marcha pola Consellería.
A nova instalación Wimax do polígono de Cuíña de Cervo ocupa 28 metros cadrados de superficie. Consiste nunha torre de telecomunicacións que conecta co radio-enlace de Burela para captar o sinal e levalo mediante 2 antenas ao conxunto do parque empresarial e as súas zonas estremeiras nun radio de 1,5 quilómetros, co que parte das vivendas de San Cibrao, Espiñeirido e Gondrás, entre outras, poderán recibir o servizo. Ademais do acceso a Internet con largo de banda, velocidade e prezos competitivos tamén estará dispoñible a transmisión de voz sobre IP. Ofértanse servizos de entre 2 e 12 Megas, 10 contas de correo de capacidade de 1 GB con antispam e antivirus, acceso a mensaxería para a xestión de correos, mensaxes de voz e fax, envío de mensaxes xigantes e vídeo supervisión (cámaras vixía para ver e gravar o interior e o entorno da empresa).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
