RIBADEO (FNC) .-. O pleno do Concello aprobou por unanimidade a ratificación do novo proxecto da ARI para Rinlo. O alcalde, Fernando Suárez, di que “se trata dun asunto de primeiro nivel que levamos a pleno, unha vez cumprimentadas todas as melloras que nos propuxeron desde a Consellería de Vivenda sobre todo para que desde o primeiro momento xunto cos recursos públicos destinados a financiar a rehabilitación de vivendas privadas tamén se incorporaron xa o acondicionamento de espazos públicos para facer unha similitude do que se leva xa anos facendo no casco vello de Ribadeo”.
Na sesión plenaria de onte cos votos a favor de BNG, PP e PSOE e a abstención de UPRI foi aprobado definitivamente o regulamento de réxime interior do Hospital Asilo. O rexedor asegura que “se presentaron alegacións por parte dalgunhas asociacións de veciños do concello e que basicamente rexeitáronse a práctica totalidade de ditas alegacións aínda que nalgúns casos entendeusde que era positivo enriquecer este regulamento dalgunha maneira con esas achegas que nos facían e houbo unha parte que si se estimou e agora unha vez aprobado por unha maioría ampla da Corporación iniciamos o camiño para resolver esta situación”.
Suárez engade que “dita situación era de certa alegalidade é dicir, non estaba nin legal nin ilegal o Hospital Asilo de Ribadeo rexido por unha congregación relixiosa, pero demos un paso de xigante para resolver esta situación. Ábrese a porta ao financiamento externo por parte da Xunta a través da lei de dependencia e por parte da Deputación, e ábrese a porta para que non só o centro senón tamén os usuarios poidan ser beneficiarios doutro tipo de prestacións do Estado e da Comunidade Autónoma”.
O alcalde considera que “ao mesmo tempo esta ordenanza vai regular un prezo mínimo máis elevado do que había ata o de agora porque o goberno e a Corporación na súa práctica totalidade consideramos que había que contribuír a reducir esta fenda ten grande que está habendo entre os ingresos e os gastos e senón se reduce esa fenda pode dar lugar a que o día menos pensado o centro deixe de prestar o servizo que presta porque a congregación relixiosa así nolo tiña advertido. Esta aprobación non só contou co apoio do equipo de goberno senón que tamén lle deron o seu respaldo o PP e o PSOE”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
