CERVO .- O concello de Cervo non terá que indemnizar a empresa Sumiges según indican dende o goberno municipal en base a unha sentencia xudicial. “A Xustiza afirma que non cabe a reclamación porque mentres a empresa prestou os servizos percibiu dos usuarios as cantidades establecidas e indemnizarlle agora suporía un enriquecemento inxustificado. Ao mesmo tempo o Xulgado insiste en que o contrato de privatización destes servizos municipais é nulo e, polo tanto, nunca debeu ter provocado ningún efecto”, afirman.
Nota de Prensa
Satisfacción no Goberno municipal despois de que o Xulgado Contencioso-Administrativo de Lugo fallará que non procede a reclamación de danos e prexuízos iniciada por SUMIGES tras a anulación do contrato de privatización dos servizos de auga, saneamento, gas e recollida de lixo.
O CONCELLO DE CERVO NON TERÁ QUE INDEMNIZAR Á SUMIGES CON PRETO DE TRES MILLÓNS DE EUROS TRAS CORROBORAR A XUSTIZA QUE O PROCESO DE PRIVATIZACIÓN EMPRENDIDO POLO ANTERIOR EXECUTIVO MUNICIPAL SOCIALISTA FOI IRREGULAR
• A Xustiza afirma que non cabe a reclamación porque mentres a empresa prestou os servizos percibiu dos usuarios as cantidades establecidas e indemnizarlle agora suporía un enriquecemento inxustificado. Ao mesmo tempo o Xulgado insiste en que o contrato de privatización destes servizos municipais é nulo e, polo tanto, nunca debeu ter provocado ningún efecto.
• O Goberno municipal arremete contra o PSOE local a quen lle acusa de “deslealdade cos cervenses” pois nun primeiro momento executou a privatización irregular deste servizo e con posterioridade, estiveron a carón da empresa privada e non na defensa dos intereses dos veciños de Cervo.
Cervo, 17 de xaneiro de 2008.- O Concello de Cervo non terá que abonar os preto de tres millóns de euros que a empresa SUMIGES lle reclamaba polos danos e prexuízos nos que afirmaba ter incorrido tras ser anulada a privatización dos servizos de auga, saneamento, gas e recollida de lixo. Dúas sentenzas do Xulgado Contencioso Administrativo de Lugo coinciden no seu fallo e desestiman os recursos presentados por SUMIGES. A maxistrada-xuíz María Azucena Recio González resolve que non existe ningún tipo de responsabilidade patrimonial do Concello e, polo tanto, que non hai dereito á indemnización pretendida pola empresa.
Ambas resolucións xudiciais foron acollidas con satisfacción polo actual Goberno municipal xa que veñen a darlles a razón en cada un dos pasos dados ata o momento e corroboran que o proceso de privatización emprendido polo anterior Executivo municipal socialista foi claramente irregular. Ao mesmo tempo supoñen un importante aforro para as arcas municipais que doutro xeito terían que soportar un pago próximo aos tres millóns de euros.
DÚAS SENTENZAS FAVORABLES AO CONCELLO
Na primeira das sentencias o Xulgado contencioso administrativo bota por terra a pretensión de SUMIGES que pedía que se deixara sen efecto o acordo do Pleno do Concello de Cervo celebrado o 21 de agosto de 2007. Nesta data aprobouse a liquidación do contrato de privatización que unía ao Concello coa empresa SUMIGES despois de que tanto os tribunais como o Consello Consultivo de Galicia declarasen a súa nulidade. Tamén nesa sesión plenaria o Concello rexeitaba o pago de calquera tipo de indemnización de danos e prexuízos a favor desta empresa pois entendía que non había lugar á devandita reclamación.
Pola contra, a empresa concesionaria dos servizos de auga, saneamento, gas e recollida de lixo facía responsable ao Concello de Cervo da anulación do contrato e reclamaba 27.175,84 euros en concepto de dano emerxente e outros 2.265.415,47 euros en concepto de lucro cesante. Segundo a empresa esta circunstancia provocou un grave prexuízo patrimonial en forma de perda de ingresos económicos pero a Xustiza nega ás devanditas reclamacións.
No segundo dos pronunciamentos xudiciais tampouco se atende a pretensión de SUMIGES que reclamaba outros 386.640,44 euros en concepto de indemnización adicional polo tempo durante o cal a empresa continuou prestando os servizos de auga, saneamento, gas e recollida de lixo. A Xustiza nega tamén esta pretensión da empresa recorrente pois mentres SUMIGES prestou os servizos percibiu dos usuarios as cantidades correspondentes e indemnizarlle agora suporía un enriquecemento inxustificado que no ha lugar.
NULIDADE DO CONTRATO
En ambos fallos o Xulgado insiste en que o contrato de privatización destes servizos municipais é nulo e, polo tanto, nunca debeu ter provocado ningún efecto. Do mesmo xeito, o Tribunal avala a liquidación feita polo concello e cada un dos pasos realizados desde a administración local para desprenderse deste contrato claramente irregular.
As sentencias non fan expresa condena en costas pois non aprecia temeridade ou mala fe no recorrente e, sinala que cabe un recurso de apelación ante a Sala do Contencioso Administrativo do Tribunal Superior de Xustiza no prazo máximo de quince días seguintes a súa notificación.
ANTECENDENTES
Desde o Goberno municipal explicaron que está é a primeira sentenza que, desde 1999, data na que se iniciou todo o proceso, entra no fondo do asunto e, polo tanto, que analiza en profundidade todo o proceso de privatización dos servizos de auga, saneamento gas e recollida de lixo. “De aí a súa importancia e a transcendencia do seu contido”. O que existía ata o de agora eran dous informes do Consello Consultivo de Galicia que poñían de relevo a nulidade da privatización do servizo.
Nun primeiro momento O Concello de Cervo iniciou o procedemento de anulación de oficio deste contrato pero a xustiza mandou repetilo por entender que había caducado o expediente.Hoxe o Tribunal da por probado que o contrato é nulo de pleno dereito tal e como no seu momento estableceu a sentencia do 22 de xaneiro de 2007.
DESLEALDADE DO PSOE LOCAL
Desde o Goberno municipal adiantan tamén as consecuencias políticas dos devanditos fallos xudiciais. Acusan ao PSOE local de “deslealdade cos veciños de Cervo” e o explican a devandita acusación xustificandoa en dos feitos:
Primeiro.- Privatizaron un servizo público que a Xustiza resolveu como irregular.
Segundo.- Desde o primeiro momento os edís socialistas estiveron ao carón da empresa privada e non na defensa dos intereses dos veciños de Cervo.
De feito, desde o Goberno municipal móstranse convencidos de que se polos edís socialistas fora “xa teríamos pagado estes tres millóns de euros que hoxe os Tribunais recoñecen como non procedentes ou, o que sería aínda peor, continuaríamos cun servizo privatizado irregularmente”
ESPERO QUE NO PSOE SAIBAN PEDIR PERDÓN
O Grupo de Goberno mantén a súa esperanza de que desde o PSOE saiban rectificar o discurso mantido ata o momento escorado a favor desta empresa privada e saiban tamén pedir perdón aos veciños pola súa neglixente e irregular xestión. “Eles que tanto se enchen a boca falando da importancia dos servizos públicos foron os reis da privatización mentres que nós, desde os distintos Executivos municipais do Partido Popular, sempre defendemos que debía manterse unha xestión pública, porque o único beneficiario do auga, do saneamento, do gas e da recollida de lixo deben ser todos e cada un dos veciños”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
