CERVO .- O alcalde de Cervo, Alfonso Villares, cuantificou en máis de 500 as familias cervences que aínda están sen subministro eléctrico e con problemas nas comunicacións telefónicas a causa do temporal de vento sufrido o pasado fin de semana. Na súa opinión, a situación destas familias estase a converter en “insostible”. “Despois de catro días aínda temos a unha gran parte da nosa poboación padecendo distintos problemas derivados da carencia de enerxía eléctrica e de teléfono; e isto non se pode permitir” sinalou Villares, quen reclamou a intervención do exército e de persoal de Protección Civil “para recuperar a normalidade de subministro eléctrico nas parroquias do Concello que a día de hoxe seguen afectadas”.
Os núcleos de poboación que aínda seguen sen electricidade en Cervo son Rueta, San Román, Rúa, Senra, Trasbar, Castelo, Cuíña e Trasbar; mentres que en Figueirido o subministro esta a ser deficiente e con cortes intermitentes.
PRESENCIA DO EXERCITO
Segundo o alcalde “non é de recibo” que despois de catro días tanto a Xunta coma a empresa subministradora do servizo non poidan dar un prazo para saber cando se restablecerá a normalidade. Dixo así mesmo que os veciños damnificados estanse a dirixir ao Concello “cunha mistura de impotencia, indignación e sensación de abandono” por parte das administracións responsables. Por iso, bota en falta que a Xunta non asumira en todo este tempo a coordinación dos traballos coa colaboración dos concellos “para facer máis efectiva a recuperación da normalidade” e solicitou a axuda do Exercito para tentar solventar no menor tempo posible esta situación. Esta reivindicación (o apoio do Exercito) xa fora solicitado por Villares no momento en que se estaba a producir o temporal. “O sábado púxenme en contacto có delegado da Presidencia para requirirlle a axuda das Forzas Armadas porque que a vista do que estaba ocorrendo era máis que necesario” sinalou o alcalde.
Para Villares, o ocorrido este fin de semana na Mariña é un dos casos onde “claramente” se necesita “unha coordinación clara e efectiva por parte da Xunta” e o apoio do Exercito. “A reposición do derrubamento do tendido eléctrico pode que sexa responsabilidade da empresa subministradora, pero tampouco podemos limitarnos a facer manifestación públicas e deixar de lado a cuestión principal: recobrar a normalidade, porque os veciños do rural teñen os mesmos dereitos que o resto dos veciños. O que deberían ter feito os responsables da Xunta era persoarse aquí para tentar solventar canto antes esta situación. Despois xa haberá tempo de reclamar responsabilidades e indemnizacións”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
