NOTA DE PRENSA
O Partido Popular de Cervo critica que agora desde a Xunta condicionen a posta en marcha desta gran área industrial a constatación de que existe demanda empresarial suficiente e lembran que falar disto é un retroceso tendo en conta que o anterior Executivo autonómico xa aprobou un plan sectorial para levar adiante este polígono, unha vez verificada a súa viabilidade e influencia positiva no conxunto da comarca
OS POPULARES ASEGURAN QUE AS PALABRAS DO CONSELLEIRO DE INDUSTRIA EN RELACIÓN CO CINTO INDUSTRIAL DE ALCOA “NON SUPOÑEN NINGÚN PASO ADIANTE”
* Desde a formación popular cervense acusan a Xunta de Galicia de escudarse condicionantes sen sentido para agochar a súa falta de vontade política, todo para evitar que os electores poidan castigar a uns partidos que obstaculizan un proxecto de interese estratéxico, capaz de atraer novas empresas e máis e mellores postos de traballo.
Cervo, 09 de xaneiro de 2009.- Os populares cervenses aseguran que as palabras do Conselleiro de Innovación e Industria, o nacionalista Fernándo Blanco, en relación co cinto industrial no contorno de Alcoa non supoñen ningún paso adiante, posto que non permiten observar unha implicación real ou un compromiso explícito para facer realidade esta gran área industrial que todos os axentes sociais e económicos demandan. O titular do departamento autonómico de Industria que, o pasado mércores visitou a localidade de Cuiña (Cervo) deu a súa palabra para levar adiante a creación deste reclamado solo industrial pero condicionou o seu apoio a que se demostre que existe demanda empresarial suficiente. Precisamente este condicionamento é o que sirve aos populares cervenses para sustentar a súa crítica: Pasamos de ter un proxecto sectorial aprobado e avalado por un estudo de viabilidade a que o actual Executivo galego o deixara sen efecto, para agora condicionar a súa posta en marcha a que demostremos que existen empresas interesadas nese solo. “Camiñamos cara atrás, en sentido inverso ao que deberamos facelo. O que ten que existir é un compromiso político e unha vontade de querer facer medrar á Mariña sen tantos condicionantes”
Segundo os populares cervenses o actual Goberno bipartito non ten vontade política de levar adiante o cinto industrial de Alcoa. Todo iso pese a que calquera pode entender que dispoñer dunha gran área industrial destas características serviría de imán capaz de atraer non só novas empresas se non tamén máis e mellores postos de traballo, algo que precisamente non escasea neste tempo de crise. Polo tanto, A Xunta escuda a súa falta de compromiso nunha multitude condicionantes cos que pretenden evitar posicionarse en contra deste cinto industrial agora que a cita coas urnas está próxima, e os electores poden castigar a un Goberno como o galego que lonxe de poñer en marcha proxectos de interese estratéxico para o conxunto da Mariña os está a paralizar.
MÁIS CA UN INTERESE MUNICIPAL
O Partido Popular de Cervo mantén a súa reclamación: É preciso dispoñer dun novo cinto industrial non contorno de Alcoa. Ofrecer solo a uns prezos razonables e nun emprazamento ideal para aquelas empresas que queiran operar na Mariña. Nesta liña insisten desde o PP de Cervo en que a importancia da creación do cinto industrial de Alcoa supera o interese municipal, e beneficiaría ao conxunto da comarca e non só aos concellos de Xove e de Cervo.
INCONGRUENTE POSICIÓN DOS NACIONALISTAS
Non entenden desde o PP local a incongruente posición das áreas nacionalistas da Xunta que por un lado reclaman a través dunha manifestación a apertura do dique norte de Alcoa e polo outro, a través da consellería de Vivenda, deixan sen efecto o proxecto sectorial que faría realidade esta gran área industrial. “Xa nos explicarán en que solo teñen previsto instalar ás empresas que fagan uso no futuro do dique norte de Morás”.
PALABRAS QUE SE LEVA O VENTO
Finalmente os populares de Cervo lembran ao Conselleiro de Industria e ao resto dos seus compañeiros de Gabinete na Xunta que os compromisos dun Goberno se demostran nos orzamentos e no DOGA. As contas autonómicas para 2009 nin tan sequera achegan un céntimo para o cinto de Alcoa e o Diario Oficial de Galicia tan só fai referencia ao polígono sumpramunicipal de Cervo e Xove para dar conta da súa supresión, dentro do Plan Sectorial de Parques Industriais de Galicia. Nada desto cambiou hoxe e as palabras, sen feitos, as leva o vento.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
