CERVO .- O alcalde de Cervo, Alfonso Villares, confirmou que con cargo aos fondos estatais de investimentos locais destinados a este concello (845,000 euros) crearanse 42 postos de traballo entre os nove proxectos presentados dentro desta vía de financiamento. Nas dúas últimas Xuntas de goberno acordouse destinar a achega que lle corresponde ao concello dentro do Fondo Estatal de Investimento Local: 845.000 euros. O alcalde cervense, Alfonso Villares, destacou que esta cantidade servirá para o financiamento dun total de nove actuacións nas zonas urbanas e rurais do municipio.
Villares explicou que estas obras foron elixidas polo Goberno Municipal despois de valorar as suxestións dos alcaldes pedáneos das distintas parroquias e de facer un estudo pormenorizado das necesidades do municipio. As obras propostas polo Concello de Cervo contemplan á adecuación e acondicionamento dun terreo no contorno da piscina municipal de Lieiro. Nesta área o Concello está a estudar a posibilidade de instalar o novo cemiterio municipal. “Estamos a recabar as autorizacións oportunas para levar adiante este proxecto, e de non poder construír alí o cemiterio destinaremos os terreos a outro tipo de servizos de interese xeral” puntualizou o alcalde.
O Concello tamén ten previsto executar a apertura dun novo vial en Cervo dende o Centro de Saúde ata a praza Federico Mon e prevé tamén realizar o acondicionamento e melloras de distintas vías e rúas do municipio coma as de As Areas, Rosalía de Castro e O Torno na vila de San Cirpián e noutras vías de Cervo, san Román e Lieiro. Cos fondos desta iniciativa, o Goberno local tamén ten previsto realizar a conexión da rede de saneamento no lugar coñecido coma “O Tellado” en Espiñeirido e acometer o acondicionamento e mellora do camiño que une os lugares de Trasbar e A Estivada.
MELLORAS MEDIOAMBIENTAIS
Tamén se destinará parte destes fondos a obras de mellora medioambiental e de adecuación de carácter recreativo en zonas de Lieiro, Cuiña, Vila de Suso e San Román de Vilastrofe. O Concello solicitará así mesmo fondos para a instalación de proteccións peonís en diversos puntos do municipio.
A relación de obras que Cervo solicitará dentro do Fondo Estatal de Inversións Locais dende o Concello de Cervo é a seguinte:
| Nome da Obra | Orzamento | Traballadores a ocupar |
| Acondicionamento de terreo para instalacións municipais no contorno da Piscina Municipal de Lieiro | 132.445,49 € | 4 |
| Apertura nova rúa en Cervo dende o Centro de Saúde ata a Praza Federico Mon | 197.246,56 € | 4 |
| Acondicionamento das rúas As Areas e Rosalía de Castro (San Ciprián) | 83.839,14 € | 4 |
| Conexión de rede de saneamento no lugar de “O Tellado” (Espiñeirido) | 61.014,46 € | 4 |
| Acondicionamento e mellora de vías municipais | 49.840,00 € | 4 |
| Acondicionamento e mellora do camiño Trasbar-Estivada | 56.387,33 € | 4 |
| Instalación de proteccións peonís | 36.340,16 € | 2 |
| Acondicionamento e mellora de servizos na rúa do Torno (San Ciprián) | 35.787,40 € | 4 |
| Obras de mellora medioambiental, adecuación de 4 zonas con carácter recreativo e acondicionamento de 7 viais do Concello. | 192.395,36 € | 12 |
| TOTAL | 845.295,90 € | 42 |
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
