Nota de Prensa
O GMPP afirma que os presupostos reais para 2009 son de seis millóns de euros.
Os populares aseguran que o canon da auga só se cobrará un ano.
Consideran que o desfase entre ingresos e gastos de 2008 pode ser de trescentos cincuenta millóns de pesetas.
O GMPP manifestou hoxe nunha nota de prensa que os presupostos de Burela para 2009 son xusto o contrario do que Burela precisa para aguantar as envestidas da crise económica, e que ademais os presupostos reais son de seis millóns de euros.
Esta é a conclusión á que se chega, porque o que se prevé cobrar polo canon da auga só se cobrará em 2009, e son setecentos mil euros. Por riba, na documentación que obra no expediente faise constar que os presupostos non se poderían aprobar se non chegase a incluirse o indicado canon, porque non habería fondos suficientes para manter o gasto de investimentos reais, que, con todo, é de catrocentos mil euros, o seis por cento do total do presuposto.
Esto é debido a que o bigoberno non aproveitou en condicións o remanente de teserería de 2007, e inflou enormemente os presupostos de 2008. No caso dos presupostos de 2008, o presuposto de ingresos era de 8’3 millóns de euros e os de gastos tamén, pero só se recaudaron seis millóns de euros; ainda así, o gasto foise os oito millóns de euros, co que podemos falar que o desfase entre ingresos e gastos, e sempre en contra do concello, é de trescentos cincuenta millóns de pesetas. Cartos que non se gastaron precisamente en aumentar e millorar servicios e a calidade de vida dos veciños e veciñas de Burela, senon en festas e actos partidistas e de promoción do alcalde e da tenente de alcalde.
Para os populares, o alcalde minte cando di que se vai continuar coa liña de subvencións ás famílias e asociacións, porque só hai corenta e seis mil euros, ainda non oito millóns de pesetas, para estas axudas. Así, por exemplo, para asociacións xuvenís non hai nin unha sola peseta consignada para subvencións, e tampouco para educación. E para deportes só hai os cartos que se levarán a S.D.Burela e o Burela F.S., en total vinteseis mil euros.
Pero o mais grave é que o alcalde non sabe controlar o gasto corrente, porque se aumenta dous puntos mais ca en 2008; se en 2008 o gasto corrente era o 32% do presupotos, agora supera lixeiramente o 34%, ou sexa , dous millóns douscentos mil euros.
Polo tanto, a situación que se presenta é difícil, mui complicada, e que debe facernos reflexionar. Cada vez que os socialistas gobernan, de tan manirrotos que son deixan as caixas vacías, e no caso noso côa colaboración dos nacionalistas, que tampouco son mancos á hora de gastar.
Para o PP, cabe preguntase se agora se seguirán facendo festas, gastando alegremente en carpas, e facendo propaganda e autobombo.Haberá que ver como se liquida o presuposto deste ano que rematou, de 2008, e daquela seguramente que o alcalde e Nieves Cando terán que dar moitas explicacións.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
