BURELA (FNC) .- O Concello de Burela ven de recibir unha subvención de preto de 8.000 euros da Área de Cultura e Deporte da Deputación que se destinará a investimentos culturais e deportivos feitos ao longo do ano 2008. A responsable de Cultura, Neves Cando, asegura que neste departamento “emprendemos o ano pasado melloras na Casa da Cultura que realizamos grazas a unha subvención da Consellería do ramo por importe de máis de 17.000 euros. Melloramos a dotación escénica do auditorio cun equipo de son e luz necesario para situar esta nosa infraestrutura cultural entre as mellor dotadas da comarca. Nunha segunda fase apostamos polo audiovisual e instalamos no auditorio un canón de proxección de grande calidade e proximamente contaremos cunha pantalla de proxección fixa de grandes dimensións co fin de mellorar as condicións técnicas desta instalación e dar cabida a máis proxectos audiovisuais no noso concello. É para esta pantalla para que agora recibimos 3.000 euros da Área de Cultura e Deporte da Deputación”.
A concelleira nacionalista engade que no ámbito do deporte “completamos no 2008 a dotación dos pavillóns Vista Alegre e dos institutos. Unha vez concluídas as obras de ampliación e mellora realizadas no Vista Alegre instalamos unha grada supletoria móbil para a que recibimos unha subvención de 7.000 euros da Consellería de Cultura e Deporte; contamos tamén cunha nova megafonía, arranxamos os locais para as escolas deportivas e os clubs de baloncesto e fútbol sala femininos, adquirimos un novo marcador e renovamos a sinalización da pista deportiva para a que recibimos agora máis de 3.000 euros da Deputación”.
Neves Cando segue a contar que “no pavillón dos institutos instalamos un novo marcador e canastras de baloncesto eléctricas para mellorar a cada vez máis intensa actividade deportiva que alí se rexistra. Agora contamos con máis de 1.800 euros desta axuda para as actividades deportivas que alí se desenvolven dentro das escolas deportivas municipais e de organización das ligas locais de fútbol sala”.
Segundo a concelleira de Cultura e Deportes “só en equipamentos culturais e deportivos no 2.008 en Burela realizouse un investimento de 90.000 euros, dos que a terceira parte foron subvencións aportadas pola Consellería de Cultura e Deporte e pola Área de Cultura e Deporte da Deputación Provincial de Lugo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
