| O paro increméntase na nosa comarca por riba da media provincial e moito por riba do rexistrado tan só fai un ano, afectando a todos os sectores produtivos (Ver cadros destrución de emprego xuntos) |
| BALSEIRO ACUSA AO SOLICIALISTA REGO DE NEGAR O DETERIRO REAL DO EMPREGO NA MARIÑA COMO ANTES INTENTARON OCULTAR A GRAVIDADE DA CRISE |
|
A Mariña,15 de xaneiro de 2009.- Segundo o deputado popular José Manuel Balseiro os socialistas pretenden negar hoxe o deterioro real do emprego na Mariña tal e como fixeron no pasado ocultando a crise. A estratexia seguida polo voceiro parlamentario socialista Ismael Rego que, no día de onte, falou dunha “especial resistencia” da nosa comarca respecto da destrución de empregos é similar as mentiras que no seu día protagonizou o Goberno socialista de Zapatero que se negaba a recoñecer a situación real de crise consciente de que a súa incapacidade para facela fronte podería carrexar dificultades no proceso electoral inmediato.
Balseiro emprazou a Rego a explicarlles aos máis de 3.621 parados que se contabilizan na nosa comarca a forma na que opera esta “especial resistencia do emprego na Mariña” e sinalou que o ritmo de destrución de postos de traballo está a acelerarse dun xeito alarmante. De feito que hoxe o paro na nosa comarca creza moito por riba da media provincial e que afecte a todos os sectores produtivos é síntoma inequívoco de que a enfermidade se está estendendo. “Difícil, resulta moi difícil que os que negan a crise do emprego poidan facer algo por solucionala”-conclúe Balseiro.
Por outra banda, José Manuel Balseiro reclama ao seu homólogo socialista “seriedade” e emprázalle a consultar a propia web da Consellería de Traballo onde aparece acreditado, a través das estatísticas oficiais, que os peores datos de emprego na nosa comunidade rexistráronse cos gobernos socialistas: Hoxe con Touriño e Zapatero e no 1993 con Felipe González. “Nunca antes en Galicia se han destruído tantos postos de traballo a este ritmo”- finaliza Balseiro.
| DESTRUCIÓN DE EMPREGOS DECEMBRO 2008 – NÚMERO DE PERSOAS VARIACION ANUAL | |||||
| Comarca | TOTAL | Agricultura Ganderia | Industria | Construción | Servizos |
| A MARIÑA CENTRAL | 129 | 4 | 13 | 12 | 2 |
| A MARIÑA OCCIDENTAL | 156 | 11 | 8 | 78 | 87 |
| A MARIÑA ORIENTAL | 205 | 8 | 24 | 61 | 115 |
| TOTAL | 490 | 23 | 45 | 151 | 204 |
| DATOS DESEMPREGO DECEMBRO 2008 – PORCENTAXE DE VARIACIÓN MENSUAL | |||||
| Comarca | TOTAL | Agricultura Ganderia | Industria | Construción | Servizos |
| A MARIÑA CENTRAL | 4,6 | 10,4 | 13,4 | 11,5 | 1,5 |
| A MARIÑA OCCIDENTAL | 6,5 | 15,0 | 18,2 | 20,5 | 3,6 |
| A MARIÑA ORIENTAL | 0,6 | 3,8 | 10,3 | 3,9 | -0,8 |
| TOTAL | 3,9 | 9,7 | 14,0 | 12,0 | 1,4 |
DATOS DESEMPREGO DECEMBRO 2008 – PORCENTAXE DE VARIACIÓN ANUAL | |||||
| Comarca | TOTAL | Agricultura Ganderia | Industria | Construción | Servizos |
| A MARIÑA CENTRAL | 10,3 | 4,9 | 17,8 | 53,4 | 9,1 |
| A MARIÑA OCCIDENTAL | 12,2 | 13,6 | 9,6 | 79,6 | 10,3 |
| A MARIÑA ORIENTAL | 34,1 | 42,1 | 33,3 | 85,9 | 32,6 |
| TOTAL | 18,9 | 20,2 | 20,2 | 73,0 | 17,3 |
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
